Վայր՝ Հյուսիսային դպրոց – պարտեզ

Ժամանակահատված՝ դեկտեմբեր

Մասնակիցներ՝ 2 -5 տարեկանների խմբեր

Նպատակ՝

• Ատամհատիկի ծեսի իրականացում
• Տոնը փոխանցել սերնդեսերունդ

Ընթացք՝

• Սովորում են ատամհատիկի ծիսական երգեր
• Տեղեկանում պատմությանը

Արդյունքներ՝

• Մասնակիցները կիմանան ի՞նչ է ատամհատիկը
• Որոշակի պատկերացում կունենան ծեսի վերաբերյալ

Արդյունք՝

• Լուսա և տեսանկարահանել և տեղադրել բլոգում
• Հյուսիսային դպրոց – պարտեզի կայքում

Ծրագիր՝

• «Տիտոխիկ»
• «Ատամ, ատամ, դուս արի»
• «Գովենք-գովենք»
• Թռնոցի

Բառեր՝

Տիտոխիկ

Տիտոխիկ, տիտմարոխիկ,
Զուռնափչիկ, Թուխմանուկիկ,
Եփե գաթա ու կուլուճա,
Եղը վըրեն կըպըճպըճա,
Ուտա իդա, խըմա իդա,
Էլնա, ինա:
-Վի՞ր տուն իջնա:
Նուբարի տու՜ն:
Էս՝ ․․․
Էս՝․․․,

Էս՝ ․․․․
Էս՝ ․․․,

Էս՝ ․․․․,
Էս՝ ․․․,
Էս՝ ․․․,
Էս՝   էլ ․․․

Թըռավ, գնաց,
Թը՜ռ, թը՜ռ, թը՜՜՜ռռռռ…

Ատամ, ատամ, դուս արի

Ատամ, ատամ, դուս արի,
Տես, քե ինչեր ենք բերե,
Ատամ, ատամ, դուս արի,
Չիր ու չամիչ ենք բերե:

Ատամ, ատամ, դուս արի,
Յուղ ու մեղր ենք բերե:

Ատամ, ատամ, դուս արի,
Պոպոք, պնդուկ ենք բերե,
Սև հավի միս ենք բերե,
Հնդու խուրմա ենք բերե,
Չամչով փլավ ենք բերե:

Ատամ, ատամ, դուս արի,
Տես, քե ինչեր ենք բերե:

«Գովենք-գովենք»

— Գովենք, գովենք, ու՞մ ատամ գովենք:
— ․․․ ատամ գովենք:
— Գովենք, գովենք, ում գովենք,
Ջա՜ն, ատամ, ջա՜ն, ջա՜ն,
․․․․ ատամ գովենք
Ջա՜ն, ատամ, ջա՜ն, ջա՜ն:

1.․․․ կերավ գազարը,
Ջա՜ն, ատամ, ջա՜ն, ջա՜ն,
․․․․ հասավ կաղամբը,
Ջա՜ն, ատամ, ջա՜ն, ջա՜ն:

2.․․․ կերավ խնձորը,
Ջա՜ն, ատամ, ջա՜ն, ջա՜ն,
․․․․ հասավ սալորը,
Ջա՜ն, ատամ, ջա՜ն, ջա՜ն:

Թռնեցի

Ուստից կուգաս հուշիկ հուշիկ,
Ոտդ ա մտել վարդի փուշիկ:  (2×)
Շատ խորոտ ես պագդ անուշիկ,  (2×)
Հարայ իմ թառլան աղջիկս,
Հարայ իմ ջեյրան աղջիկս,
Հարայ իմ անուշ աղջիկս,
Հարայ իմ պուպուշ աղջիկս:

Տուլ – տուլը – տուլը – տուտուլ, տուլ,
Տուլ – տուլը – տուլը — տուտուլ ջան:
Տուլը– տուլը – տուլը – տուտուլը, տուլ,
Տուլը– տուլը – տուլը – տուտուլը, տուլ: