Արատեսը ողջունում է մուտքի ճամբարի մասնակիցներին…

Դասավանդողների մուտքի հերթական ճամբարն է Արատեսում։

Այս անգամ, որպես երաժշտական մասի համակարգող։

Սա ինձ համար նոր փուլ էր և պատասխանատու, քանզի բացի Արատեսյան թոհուբոհից երրորդ օրը Վաղաշենի արշավախմբային – վրանային ճամբարի բացումն էր։

Առաջին օրը բարձունքի հաղթահարումն էր դեպի Սմբատաբերդ։ Այս հաղթահարումը նշանավորվեց Հոլանդացիների հետ մեր հանդիպումով,հյուրասիրությամբ և նոր ընկերությամբ։

Նրանց շատ դուր գալով Հայաստանը հրավիրեցինք Արատես միանալու մեր հաջորդ օրվա գաթաթխիկին։

Մեր հաջորդ կանգառը Սմբատաբերդից դեպի Եղեգիսի Զորաց եկեղեցին էր։

որտեղ միասնական աղոթքի կանգնեցինք, կատարելով հոգևոր ստեղծագործություն։ Ապա Արմինե Մովսիսյանը ներկայացրեց եկեղեցու պատմությունը։

Իսկ ես մի քանի կարևոր դետալների մասին խոսեցի։

Երկրորդ օրը իմ թմբուկի նվագակցությամբ և պարերգերով մկնարկեց գաթաթխիկի ծեսը մեր հյուրերի մասնակցությամբ ` Ֆրանսիայից և Հոլանդիայից։

Այս ընթացքում պարուսուցում էր իրականացնում Կարինե Գրիգորյանը։

Իսկ հայկական համեղ գաթա էին պատրաստում Անահիտ Ամիրխանյանը և ընկերները, նրանց միացան նաև մեր հյուրերը։

Ապա մեր հյուրերին ներկայացրեցինք Արատեսի վանական համալիրը, և կատարեցի մի քանի շարականներ։

Արատեսում գտնվում էին կրթահամալիրի տարբեր տարիքային խմբեր, որոնց թվում Քոլեջի սովորողները։ Տղաներից Ալեքսի և Տիգրանի հետ նախաձեռնեցինք բարձունքի գրավում, իմ անվանակոչած լեռ` «Գայլատուն», կամ «Հոգի ազատության»։