Արտանիշի արշավախմբային – բնապահպանական, վրանային – լողափային ճամբարը այնքան էի հավանել, որ իմ արձակուրդի ընթացքում ևս որոշեցի աշխատել։

Օր՝ առաջին

Կրկին Միջին դպրոցի սովորողների հետ։

Այս անգամ իմ նպատակն էր իրականացնել <<Անձրևաբեր ծեսը>>։

Առաջին օրը մենք այցելեցինք Գագարին ավանի համայնքներ, որտեղից պիտի դիմավորեինք Զովաբեր, Դդմաշեն և Ծաղկունք գյուղերի սովորողներին։ Նրանք միացան մեզ և մեր ճանապարհը շարունակեցինք դեպի Արտանիշի մեր ճամբարատեղի։

Արտանիշում կատարեցինք հանձում – ընդնում ազգային երգ ու պարով։

Տեղավորվելով յուրաքանչյուրը իր վրանում հաջորդ քայլը սպասված լողն էր Սևանա լճում։

Լողից հետո ճաշ, որից հետո աղջիկների խմբի հետ ուսումնական գործընթաց էր՝ սովորում են <<Անձրևաբեր ծեսի>> երգերը և պատմությունը, իսկ տղաները հավաքում են խարույկի փայտ։

Դե իսկ երեկոյան խարույկահանդես երգով ու պարով։

Օր՝ երկրորդ

Առավոտյան ժամը յոթին մենք պատրաստ էինք բարձրանալու Շշասարի գագաթ։ Ես ընթանում էի առջևից, որպես ճանապարհը իմացող, իսկ մարզիկ Դանիլը գալիս էր վերջից, որպեսզի բոլորը բարձրանան։

Մեր նպատակն էր գտնել առաջին արշավախմբի պահած քվեստը։Մենք այն գտանք գագաթին, ապա իջնելով շարունակեցինք փնտրել բանալի բառերը։ Ճամբարականները դա նույնպես հաղթահարեցին։

Դե այդ ամենից հետո միասնական լող։ Ապա ճաշ, որից հետո կրկին աղջիկների խմբի հետ ծիսական երգերի ուսուցում։

Ապա կրկին լող, ընթրիք և երեկոյան խարույկի շուրջ էին հավաքվել Խարբերդի հատուկ դպրոցի դասավանդողներն ու սովորողները, արդեն ավանդույթ դարձաց երաժշտական ողջույնի։

Օր՝ երրորդ

Առավոտյան մարմնամարզություն, լող, նախաճաշ, տարածքի խնամք և մաքրություն, իրերի հավաքում։ Դիմավորելով հաջորդ խմբին ճամբարը հանձնեցինք ազգային երգ ու պարով, թմբուկի և իսպանական կահոնի նվագակցությամբ ոսկեգործական լաբորատորիայի խմբին։

Իսկ ահա այս ամենից հետո օրվա սպասված հատվածն էր, որով էլ ավարտեցինք մեր ճամբարային օրերը։

Իսկական <<Անձրևաբեր ծես>> Արտանիշից։