Վայր՝ Հյուսիսային դպրոց-պարտեզ, Քոլեջ

Ժամանակահատված՝ ուսումնական տարի

Մասնակիցներ՝ «Մխիթար Սեբաստացի» կրթահամալիրիՀյուսիսային դպրոց-պարտեզի և Քոլեջի նախակրթարանի սովորողներ

Տարիքային խմբեր`2-5 տարեկաններ

Նպատակ`

ազգային մշակույթի յուրացում խաղերգերի միջոցով:

Արդյունքները՝

Մասնակիցները կիմանան ազգային խաղերգեր:Կկարողանան երգել հայկական ազգագրական և խաղերգեր, խաղերգերին նոր կյանք կտան։

Հետևություն

Ի՞նչ տվեց այս աշխատանքը մասնակցին,

ի՞նչ նորություն կարողացավ ներմուծել խաղերգերը կատարելիս, կցանկանա՞ նորից կատարել և խաղին նոր կյանք տալ:

Արդյունք

Նկարել, տեսագրել, գրի առնել աշխատանքի ընթացքը, ներկայացնել Քոլեջի և հյուսիսային դպրոցի ենթակայքում, կրթահամալիրի կայքում՝ ֆիլմի, ֆոտոպատումի, նկարագրության տեսքով:

Ծրագրում՝

Երգեր

• Կաքավիկ
• «Իլիլի, դիլիլի»
• «Հախչա, հուխչա»
• «Դան դան դանեդան»
• Կռունկ ծափ տու ու թռի»
• «Էկեք ծեծենք»
• «Փայտե ձիուկ»
• «Հոպ, թռի»
• «Այ իմ գընդակ»
• «Վեր, հա վեր-վեր»
• «Տամբուրեն»
• «Ծափիկ, ծափիկ»
• «Զար, զընգը»
• « Արևների  շարք»
• «Զմփիկ, զմփիկ»
• «Այբ, Բեն, Գիմ»

Պարերգեր՝

• Թամզարա
• Փափուռի

Պարեր`

• Բուլուլ
• Գյովնդ
• Վեր,վերի

Ռիթմիկ նվագակցություն, շարժում — խաղ

Կոմիտաս՝  «Կաքավիկ»

Երգերի տեքստեր՝

Արև արև

Արև-արև եկ, եկ,

Զիզի քարին վեր եկ,

Սև-սև ամպեր հեռացեք,

Արևին ճամփա բացեք:

Թողեք նա գա մեզ մոտ՝

Նրա լույսին ենք կարոտ.

Կարմիր արև եկ, եկ,

Զիզի քարին վեր եկ:

Արևն հաղթեց ամպերին,

Շողքը գցեց սարերին,

Զիզի քարը տես-տես

Պսպղում է ոսկու պես:

Փայտե ձիուկ

Տրո՛փ, տրո՛փ, տրո՛փ,

Վազե՛, ձիո՛ւկ, հո՛պ,

Քարեն վեր,

Դարեն վեր,

Սիրուն ձիուկ,

Դեպի լեռ.

Տրո՛փ, տրո՛փ, տրո՛փ,

Հո՛պ, հո՛պ, հո՛պ:

Տրո՛փ, տրո՛փ, տրո՛փ,

Հո՛պ, հո՛պ, հո՛պ:

Թա՛փ, թա՛փ, թա՛փ,

Գետեն անցիր ափ,

Մի՛ վազեր,

Մի՛ կոտրեր,

Կարմիր ձիուկ,

Իմ ոտներ.

Թա՛փ, թա՛փ, թա՛փ,

Ա՛փ, ա՛փ, ա՛փ:

Թա՛փ, թա՛փ, թա՛փ,

Ա՛փ, ա՛փ, ա՛փ:

Պռո՛ւ, պռո՛ւ, պռո՛ւ,

Այժմ կեցիր դու,

Ու արի,

Կեր գարի,

Գիրո՛ւկ ձիուկ

Քաջարի.

Պռո՛ւ, պռո՛ւ, պռո՛ւ,

Դո՛ւ, դո՛ւ, դո՛ւ:

Պռո՛ւ, պռո՛ւ, պռո՛ւ,

Դո՛ւ, դո՛ւ, դո՛ւ:

Եկեք ծեծենք

Եկեք ծեծենք սոխ ու սխտոր,

Ինչով ծեծենք,

Գլխով ծեծենք,

Գլխով, գլխով, գլխով ծեծենք: 2- անգամ

Եկեք ծեծենք սոխ ու սխտոր,

Ինչով ծեծենք,

Քթով ծեծենք,

Քթով, քթով, քթով  ծեծենք: 2-անգամ

Եկեք ծեծենք սոխ ու սխտոր,

Ինչով ծեծենք

Ուսով ծեծենք:Ուսով, ուսով, ուսով ծեծենք: 2-անգամ

Հինգ էծ ունեմ

Հինգ էծ ունեմ ուլերով, իլիլի, դիլիլի,

Կաթ կկթեմ դույլերով, իլիլի, դիլիլի։

Սեր կչափեմ կալ չափով, իլիլի, դիլիլի,

Յուղ կհանեմ լվի տըկով, իլիլի, դիլիլի։

Կոտ ու կես

Կոտ ու կես կորեկ ունեմ ցանելու համար,

Ճնճղուկներ թռան եկա ուտելու համար,

Կռացա քար վեր առա զարկելու համար,

Այ ճնճղուկիկ,

Կարմիր տոտիկ,

Սպիտակ փորիկ,

Ուտեն կուտիկ,

Խմեն ջրիկ,

Առվի եզրիկ,

Պստիկ-մստիկ,

Փախչեն երթան ման գալու համար: