Արևիկ Մկրտչյանը իր հետազոտական աշխատանքում անդրադարձել է «Հայ ժողովրդի հինավուրց պարերի կատարման ժամանակը և վայրը, մասնակիցների թիվը, սեռը և տարիքը» աշխատությանը։ Հետազոտական աշխատանքում օգտագործված են հայալեզու աղբյուրներ։ Գլուխների բաժանումը տրամաբանական է, օգտագործված օրինակները՝ տեղին։ Աշխատությունը արդիական է և կարիք ունի ավելի լայն շերտեր ընդգրկելու՝ առավել ևս կրթական հաստատությունները։ Հստակ հասկանալի է, որ աշխատանքը կատարվել է ինքնուրույն, ապա ղեկավարի կողմից բնականաբար եղել են շտկումներ։ Թերևս հղումները կարող էին լինել ավելի հստակ՝ յուրաքանչյուր մեջբերման վերջում տալով հեղինակի անունը, գրքի էջը։
Նյութը բավականին հագեցած էր, համարում եմ ստացված, խորհուրդ կտամ էջադրումներ կատարել աշխատանքում և հավասարաչափ բաշխել լուսանցքները։
Եվ իհարկե, հետագայում ավելի աշխատանքը իրենը դարձնելու համար կատարել ինքնուրույն գործնական հետազոտություն, եթե ցանկություն կա որպես ապագա մասնագիտություն ընտրել պարարվստը։
Արմենուհի Սոկրատունի՝ երաժիշտ, ազգային պարը կրող – ուսուցիչ