Հյուսիսային դպրոց – պարտեզի նախակրթաևանի սովորողների, դաստիարակների և ծնողների հետ իրականացրեցինք հոկտեմբերյան հավաքի գլխավոր ծեսը՝ լավաշթխիկը։

Մեծ ոգևորությամբ և պատրաստակամությամբ սովորողների ծնողները միացան ծեսին, այն մեր օգնությամբ վերածելով իրական հացի պատրաստման արարողության։

Սովորողների ոգևորությունը էլ ավելի կրկնապատկվել էր, քանի որ իրենց սիրելի երգերով կատարում էին հացի թխման գործընթացը, գրտնակում առանց հերթ տալու և փոխանցում ինձ, որպեսզի խփեմ թոնիրի պատին։

Իսկ ես ահա ոչ միայն երաժիշտ էի այլ նաև արդեն երկու տարի է հացթուխ։ Այս անգամ եթե չեմ սխալվում թխել եմ մոտ 30 հատ։

Ընթացքում երեխաները չէին համբերում և համտեսում էին, ասելով, որ շատ համեղ է, կարծես մանկություն վերադարձաց լինեի, երբ տատս ու մայրս էին թխում մեզ համար, իսկ մենք անհամբեր ուտում էինք։

Ավարտելուն պես բոլորս նստեցինք սեղանի շուրջ։