Օրը՝  նոյեմբերի 6

ժամը-10.00-12.30

Վայրը՝ Ուսումնական Ագարակ

Ժամանակահատված՝ Սեբաստացու օրեր

Ծեսի մասնակիցներ ՝ Հյուսիսային դպրոցի 1-1, 1-2 դասարանի սովորողներ,ծնողներ

Պատասախանատուներ՝ Սրբուհի Ներսիսյան, Մարի Միքայելյան, Արմենուհի Սոկրատունի

Ծրագիր՝

<<Աշխատանքային երգեր>> նախագիծ

• Հեփ,հոփ
• Ջաղացս մանի, մանի
• Հախչա, Հուխչա
• Գունդ անեմ
• Ցորեն եմ ցանել
• Հաց կթխեմ գարիա
• Հունձքի երգ

Տեքստեր՝

Հեփ,հոփ

Լանջի հողին, հեփ, հոփ, հեփ, հոփ,
Հացնա կողին, հեփ, հոփ, հեփ, հոփ
Ուտեմ համեմ, հեփ, հոփ, հեփ, հոփ
Ցորեն ծամեմ, հեփ, հոփ, հեփ, հոփ
Լուսնյակ գիշեր, հեփ, հոփ, հեփ, հոփ
Տափակ կտեր, հեփ, հոփ, հեփ, հոփ
Աննա խանում, հեփ, հոփ, հեփ, հոփ
Քունդ ա տանում: Հեփ, հոփ, հեփ, հոփ:

Ջաղացս մանի, մանի

Ջաղացս մանի մանի, չըխկ չըխկ, հա չըխկչխկա:
Ցորենը ալյուր անի, չըխկ չըխկ, հա չըխկչխկա:
Ջաղցի քարեր չըխկչըխկա, չըխկ չըխկ, հա չըխկչխկա:
Քունս անուշ կտանի, չըխկ չըխկ, հա չըխկչխկա:

Աղունը փոշի փոշի, չըխկ չըխկ, հա չըխկչխկա:
Ալրատունը կհոսի, չըխկ չըխկ, հա չըխկչխկա:
Ախպեր ջան խուրջինդ բեր, չըխկ չըխկ, հա չըխկչխկա:
Ածենք լուսը ալուրի չըխկ չըխկ, հա չըխկչխկա:

Հախչա, Հուխչա

1. Հախչա, հուխչա,
   Հախչա, հուխչա:
   Ախչի՝ հարս ի,
   Հարսը՝ թարս ի,
   Մերը՝ մերս ի,
   Հերը՝ հերս ի,
   Քուրը՝ քուրս ի,
   Պապը՝ թարս ի,
   Թոռը՝ թոռս ի:

Գունդ անեմ

Գունդ անեմ Գունդ անեմ, գունդ անեմ,
Տապ անեմ, ալուր ցանեմ, տապ անեմ, տապ անեմ,
Գունդ բացեմ, գունդ բացեմ, գունդ քցեմ, գունդ քցեմ,
Բատատին քցեմ, թոնրին խփեմ, հաց հանեմ, հաց հանեմ։

Ցորեն եմ ցանե

Ցորեն եմ ցանե արտը, ծլե, կանաչե,
Հեռու տեղ ախպերմ ունիմ, անկաջը   կանչե:
Կաքավ եմ քարի միջին, ցորեն եմ ցանե,
Ձեն կուտամ ձորի միջին, ցորեն եմ ցանե:
Հանդեն ծաղիկ քաղել եմ, ցորեն եմ ցանե,
Դաստա արել, կապել եմ, ցորեն եմ ցանե:

Կրկնակ. 

Հաց կթխեմ, գարի ա

Հաց կթխեմ, գարի ա, Երի,
երի, էրվա, օ՜յ, օ՜յ,
Էս ինչ դժար տարի ա,
Շեկո ջան, էրվա, օ՜յ, օ՜յ:

Ծով ա դառե մեր դաշտը,
Երի, երի, էրվա, օ՜յ, օ՜յ,
Լիքը հաց ա մեր տաշտը,
Շեկո ջան, էրվա, օ՜յ, օ՜յ:

Հաց եմ թխել մշակին,
Երի, երի, էրվա, օ՜յ, օ՜յ,
Հոտ քաշել մանիշակին,
Շեկո ջան, էրվա, օ՜յ, օ՜յ:

Հունձքի երգ

Մեր տանը դեմ հասած գարի,
Մեր տանը դեմ հասած գարի,
Քանի քաղեմհովը տանի:
Քանի քաղեմ հովը տանի:

Աչքը, ունքը թառը քաշած,
Աչքը, ունքը թառը քաշած,
Երեսները վարդ նըմանի.
Երեսները վարդ նըմանի.

Մեր ամբարներ պիտի լեցվին,
Մեր ամբարներ պիտի լեցվին,
Հատիկներով ոսկի նորեն:
Հատիկներով ոսկի նորեն: