Օր՝ սեպտեմբերի 8

Ժամ՝

Համակարգումը՝ ծեսերի լաբորատորիայի

Երաժշտական ծրագրի բովանդակության պատասխանատու՝ երաժշտության լաբորատորիա

Մասնակիցներ՝ Հյուսիսային, Հարավային, Արևելյան, Արևմտյան դպրոցների 6 տարեկաններ, դասավանդողներ, ծնողներ, հյուրեր, ցանկացողներ։

Երգացանկ՝

• Նուրի, նուրի
• Զմփիկ, զմփիկ
• Կոմիտաս՝ Արև արև, եկ, եկ,
• Ա. Շահնազարյան՝ Արև, արև դուրս արի
• Կոմիտաս՝ Փայտե Ձիուկ

Ազգային պարեր՝

• Թամզարա

Ազգային խաղեր՝

• Աքլորակռիվ
• Գոմշակռիվ

Բառեր՝

Նուրին, Նուրին

Նուրին, Նուրին էկել է,

Շալե շապիկ հագել է,

Կարմիր գոտիկ կապել է,

Երկնքեն թոն գուզե,

Գետնեն էլ ծիլ գուզե:

Նուրին, Նուրին էկել է,

Շալե շապիկ հագել է,

Կարմիր գոտիկ կապել է,

Երկնքեն թոն գուզե,

Գետնեն էլ բերք գուզե:

ԶԸՄՓԻԿ ԶԸՄՓԻԿ ԶԱՐԻՆԱ

Զըմփիկ,զմփիկ զարին ա

Իգդա շուշան դարին ա:

Շուշան գընաց աղցանի,

Աղցան չըկար՝ չորցել էր:

Անձրև չեկավ էս տարին,

Չորցավ ցորեն ու գարին:

Զըմփիկ,զմփիկ …

Արև՛, արև՛, ե՜կ, ե՜կ

Արև՛, արև՛, ե՜կ, ե՜կ,
Զիզի քարին վե՜ր եկ.
Սև֊սև ամպեր հեռացեք
Արևին ճամփա տըվեք։
Թողեք թող գա նա մե՜զ մոտ,
Նրա լույսին ենք կարոտ.
Կարմի՛ր արև ե՜կ, ե՜կ,
Նախշուն քարին վեր եկ։
Արևը հաղթեց ամպերին,
Շողքը ձգեց սարերին,
Զիզի քարը տե՜ս, տե՜ս
Պըսպղում է ոսկու պես։

Արև, արև, դո՛ւս արի

Արև, արև, դո՛ւս արի,
Հերն ու մերդ էկել են,
Թուր ու թվանք բերել են,
Գոմշի ոտին տվել են,

Թե դուս կգաս՝ քե՜զ կտամ,
Թե դուս չես գա՝ շան ու գիլի փա՜յ կանեմ:

Փայտե ձիուկ

Տրո՛փ, տրո՛փ, տրո՛փ,

Վազե՛, ձիո՛ւկ, հո՛պ,

Քարեն վեր,

Դարեն վեր,

Սիրուն ձիուկ,

Դեպի լեռ.

Տրո՛փ, տրո՛փ, տրո՛փ,

Հո՛պ, հո՛պ, հո՛պ:

Տրո՛փ, տրո՛փ, տրո՛փ,

Հո՛պ, հո՛պ, հո՛պ:

Թա՛փ, թա՛փ, թա՛փ,

Գետեն անցիր ափ,

Մի՛ վազեր,

Մի՛ կոտրեր,

Կարմիր ձիուկ,

Իմ ոտներ.

Թա՛փ, թա՛փ, թա՛փ,

Ա՛փ, ա՛փ, ա՛փ:

Թա՛փ, թա՛փ, թա՛փ,

Ա՛փ, ա՛փ, ա՛փ:

Պռո՛ւ, պռո՛ւ, պռո՛ւ,

Այժմ կեցիր դու,

Ու արի,

Կեր գարի,

Գիրո՛ւկ ձիուկ

Քաջարի.

Պռո՛ւ, պռո՛ւ, պռո՛ւ,

Դո՛ւ, դո՛ւ, դո՛ւ:

Պռո՛ւ, պռո՛ւ, պռո՛ւ,

Դո՛ւ, դո՛ւ, դո՛ւ: