Դեկտեմբերի 8՝ շարունակվում են հիպոթերապիայի սեմինարները, արդեն գործնական միջավայրում։

Ուսումնական Ագարակի ձիավարության մարզադաշտում սովորողների հետ իրականացվում է հիպոթերապիա, որին ներկա են երկարացված օրվա կազմակերպիչները և ուսուցչի օգնականները։ Այս անգամ Մաշա ձիուկին մաքրեց և հանդերձավորեց Ալինա Մազմանյանը։ Քանի որ հիպոթերապիայի ժամանակ ձիուն ոչ թե սանձում ենք, այլ հագցնում ենք ենթասանձ, որը իրենց դժվարություն չի ներկայացնում՝ Ալինան այս ամենը կատարեց ինքնուրույն։

Սովորողները լսում էին այն հրահանգները, որոնք տրվում էին իրենց դասավանդողների կողմից, իսկ դասավանդողները կատարում էին Սուսաննայի և Մարիանայի ցուցումները։

Իսկ ես հետևում էի, որպեսզի ձիու ենթասանձից ճիշտ բռնեն և պահեն ճիշտ կեցվածք։

Այդ ընթացքում սովորողները նաև երգեցին իրենց սիրելի ձիուկի մասին երգը։