Վայր՝ Հյուսիսային դպրոց – պարտեզ, Արտասահման

Օր՝ նոյեմբեր 24

Ժամ՝ 12:30

Մասնակիցներ՝ երաժշտական գործունեության ընտրության խմբեր, ծնողներ, դասավանդողներ և այլք։

Ծրագրում՝

• <<Այ ֆորկա>>, <<Թագվորի մեր>>, <<Փափուռի>>
• <<Զեյթունցիների քայլերգը>>
• <<Սարդարապատ>>

Երգերի տեքստեր՝

Այ, ֆորկա

Այ, ֆորկա, ֆորկա, ֆորկա,
Էսօր մեր տուն խարսնիս կա,
Խարսնիս կանեմ, տեղ չըկա,
Թազա  փեսին բեղ չըկա:

Այ, ֆորկա, ֆորկա, ֆորկա,
Էսօր մեր տուն խարսնիս կա,
Թավեն ծակ է, եղ չըկա,
Կոլոտ փեսին տեղ չըկա:

Աղջիկ կայնե կամըրջին,
Ոսկե գընդեր ակընջին,
Գընա ասա զոքընչին՝
Աղջիկ թող տա մեր մանչին:

Այ, ֆորկա, ֆորկա, ֆորկա,
Էսօր մեր տուն խարսնիս կա,
Փեսին շատ էրես մի տա,
Փեսին էյթիբար  չըկա:

Այ, ֆորկա, ֆորկա, ֆորկա,
Էսօր մեր տուն խարսնիս կա,
Ջան, ֆորկա, ֆորկա, ֆորկա,
Էսօր մեր տուն խարսնիս կա:

Թագվորի մեր

Թագվորի մեր դե ելի,
Տես քե ինչեր ենք բերե,
Թագվորի մեր դե ելի,
Լվացք անող ենք բերե։

Թագվորի մեր դե ելի,
Տես քե ինչեր ենք բերե,
Թագվորի մեր դե ելի,
Խմոր հունցող ենք բերե։

Թագվորի մեր դե ելի,
Տես քե ինչեր ենք բերե,
Թագվորի մեր դե ելի,
Քե կով կթող ենք բերե։

Թագվորի մեր դե ելի,
Տես քե ինչեր ենք բերե,
Թագվորի մեր դե ելի,
Քե բուրդ գզող ենք բերե։

Թագվորի մեր դե ելի,
Տես քե ինչեր ենք բերե,
Թագվորի մեր դե ելի,
Քե հաց թխող ենք բերե։

Թագվորի մեր դե ելի,
Տես քե ինչեր ենք բերե,
Թագվորի մեր դե ելի,
Քե քեֆ քաշող ենք բերել։

Թագվորի մեր դե ելի,
Տես քե ինչեր ենք բերե,
Թագվորի մեր դե ելի,
Քե գլուխ դմպող ենք բերե։

Փափուռի

Կրկներգ՝
Փափուռի, մի լա, մի լա,
Փափուռու շապիկ շիլա,
Փափուռի, մի լա, մի լա,
Ախըր նստե դուռ, կիլա։

Գիշեր խալտե դուրս հելեր,
Հանա, նանա, նանանա,
Լուսնակ անուշ կցոլեր,
Հանա, նանա, Փափուռի։

Կցոլեր վըր Գոնգըլկան,
Հանա, նանա, նանանա,
Չեկան ընդոր հուզընկան,
Հանա, նանա, Փափուռի։

Կրկներգ՝ Փափուռի, մի լա ․․․

Փափուռուն ի՞նչ սար պիտեր,
Ընդոր յար ու ճար պիտեր,
Մատնիք ու մարջան պիտեր,
Օսկե ապըրջան պիտեր։

Կրկներգ՝ Փափուռի, մի լա․․․

Էրկու փահլևան կտրիճ,
Մեկ կտրեր քար, մեկ կղիճ,
Էն, օր կտրեր զէդ կղիճ,
Աղբյուր թալեք քան սահրիճ։

Կրկներգ՝ Փափուռի, մի լա․․․

ԶԵՅԹՈՒՆՅՈՑ ՔԱՅԼԵՐԳԸ

Խմբերգ “Զեյբեկներ” օպերետից
Խոսք` Հ. Չաքրյանի, երաժշտ.` Տ. Չուխաջյանի

Արևն ելավ, Զեյթունցինե’ր,
Դեհ ձի հեծնենք, առնենք զենքեր, դիմենք առաջ.
Ինչո՞ւ, ինչո՞ւ գըլուխ ծռենք
Բըռնավորին մեր վիզ պարզած:

Զեյթունցի ենք, մեր սփոփանք
Են պատերազմ և արշավանք,
Սուր, թուր, գնդակ և հրացան
Են խաղալիք մեր հավիտյան:

Ամբողջ հինգ դար գերի ենք մենք,
Մեր շղթայք մենք պատրաստեր ենք,
Ինչո՞ւ այժմեն մենք չստիպենք
Մեր գերողին կրելու զայն:

Կեցցե’ Զեյթուն, ապրի’ Զեյթուն,
Թող չտեսնե ստրկություն.
Քանի ունի մեզ պես որդիք,
Ապրի’ Զեյթուն, կեցցե’ Զեյթուն:

«Սարդարապատ»

Կոմպոզիտոր՝ ԷԴԳԱՐ ՀՈՎՀԱՆՆԻՍՅԱՆ
Խոսքերի հեղինակ՝ ՊԱՐՈՒՅՐ ՍԵՎԱԿ

Երբ չի մնում ելք ու ճար,
Խենթերն են գտնում հնար,
Այսպես ծագեց, արեգակեց
Սարդարապատի մարտը մեծ:

Կրկներգ.
Զանգեր, ղողանջեք,
Սրբազան քաջերին կանչեք
Այս արդար պատից:
Սերունդներ, դուք ձեզ ճանաչեք
Սարդարապատից:

Ավարայրից ջանք առանք,
Այստեղ մի պահ կանգ առանք,
Որ շունչ առած շունչներս տանք
Սարդարապատի պատի տակ:

Կրկներգ.

Բայց մենք չընկանք, մենք միշտ կանք,
Մենք չհանգանք` դեռ կգանք,
Երբ տան զանգը, ահազանգը,
Որ մեր հոգու պարտքը տանք: