Արթուր Շահնազարյան «Հայ ժողովրդական օրորոցայինները»

Կրթահամալիրի նախակրթարաններում քնի կազմակերպումը ուղեկցվում է օրորոցայինների, նանիկների կատարմամբ («Հակաբացիլ նանիկներ» ձայնասկավառակ): Ժամանակ առ ժամանակ մեր երաժիշտների, ծնողների կողմից խմբերում դրանք հնչում են կենդանի կատարմամբ (վոկալ, գործիքային):

«Քնի կազմակերպումը նախակրթարանում. նանիկների գործիքային, վոկալ կատարում» նախագիծ

Նպատակ՝

սաների երաժշտական ընկալունակության զարգացում

Խնդիրներ`

• հայ ազգային նանիկների, գործիքային կատարման համար քնի ուղեկցման համապատասխան երաժշտության ընտրություն
• նյութի յուրացում
• փորձնական կատարում խմբերում
• ժամանակացույցով ամեն օր նանիկների, այլ երաժշտական քնի համապատասխան ստեղծագործությունների գործիքային կատարում նախակրթարանի խմբերում

Մասնակիցների նախնական կարողություններ ու հմտություններ՝

• կատարողը պետք է օժտված լինի օրորոցային երգելու համապատասխան ձայնով
• կարողանա լավ տիրապետել երաժշտական այն նվագարանին, որով կատարելու է ստեղծագործությունները
• սաները լինեն ուշադիր ունկնդրել

Նախագծի ընթացքում նախատեսվում է`

• դաստիարակել ուշադիր ունկնդիր
• ստեղծել կատարող – ունկնդիր կապ

Միջավայրը՝

Քոլեջի, Հյուսիսային դպրոց – պարտեզի նախակրթարանի խմբեր

Անհրաժեշտ գործիքներ՝

• վոկալ գրագետ երգեցողություն
• օկարինա, շվի

Կիրառվող մեթոդները՝

համագործակցային, խմբային , հետազոտական-որոնողական

Ուսումնական գրականություն, այլ ռեսուրսներ

• օրորոցայինների նոտաներ
• երաժշտական համապատասխան ստեղծագործություններ
• այլ (ուսումնական ֆիլմ, մուլտֆիլմ, տեսանյութ, տեսադաս…)

Նախագծի իրականացման ընթացքը՝

Ուսումնասիրել արդեն եղած հայ ազգային նանիկները, կատարման համար ընտրած երգերը սովորել, կատարել: Գործիքային կատարման համար ընտրել այնպիսի ստեղծագործություններ, որոնք կնպաստեն սաների խաղաղ, հանգիստ քնելուն: Սովորել, փորձնական կատարել խմբերում, ապա կազմել ժամանակացույց՝ ամենօրյա կատարման համար:

Նախագծի ընթացքում նախատեսվող ուսումնական ճամփորդություն(ներ), համագործակցություններ, կրթական փոխանակումներ՝

Համագործակցելով կրթահամալիրի մյուս դպրոց – պարտեզների հետ, նախագիծը կարող է իրականացվել նաև համագործակցող կողմի նախակրթարանների խմբերում:

Նշել նախագծի հնարավոր հեռանկարային զարգացումները

• նյութերի ձայնագրում
• այլ կատարողների ներառում

Նախագծի ամփոփում, գնահատում 

• սանը կարողանում է ուշադիր ունկնդրել
• քնում է ստեղծագործությունների կատարման ընթացքում
• ունկնդրումը նպաստում է սաների երաժշտական ընկալունակության զարգացմանը
• ստեղծվում է քնի կազմակերպման ընթացքում հնչելու երաժշտական փաթեթ

Նախագծի արդյունքների հրապարակում, տարածում

Նախագծի արդյունքները տեսագրվում, ձայնագրվում են կրթահամալիրի ձայնադարանում, լուսաբանվում ենթակայքերում, գլխավոր կայքում:

Նախագծի հեղինակներ՝ Մարինե Մկրտչյան, Արմենուհի Սոկրատունի