Վայր`հյուսիսային դպրոցի պարտեզ
Տարիքային խմբեր`5 տարեկաններ
Նպատակ`
ազգային մշակույթի յուրացում ծեսերի (որպես միասնական, բազմաբնույթ, ինտեգրված գործունեություն) միջոցով:
2. Ծեսի մասնակիցներ
«Մխիթար Սեբաստացի» կրթահամալիրի նախակրթարանի սաներ
3. Ընթացքը
- տարբեր աղբյուրներից ուսումնասիրում են ղափամայի մասին պատմություններ,
- Սովորում են ղափամայի ասիկներ,
- Պատրաստում են երգին և խաղերին անհրաժեշտ ռեկվիզիտներ,
- համակարգում են հիմնական գործողությունները,
- սովորում են ղափամայի ազգային ծիսական երգեր,պարեր և խաղեր։
4. Աշխատանքների ծավալը և ժամանակացույցը
Ուստարվա ընթացքում
5. Արդյունքները
մասնակիցները կիմանան
- ազգային ծեսեր,
- ազգային սովորույթներ,
- հայկական ժողովրդական, ծիսական երգեր, խաղերգեր։
կկարողանան
- երգել հայկական ժողովրդական և ծիսական երգեր,
- ծեսին նոր կյանք տալ։
կլինեն
- ծեսը իմացող ակտիվ մասնակից, փոխանցող, տարածող:
Ծեսն այն միջավայրն է, որտեղ մասնակիցները ծեսի նախապատրաստական և իրականացման ընթացքում կկիրառեն իրենց կարողությունները, հմտությունները, գիտելիքները:
- Հետևություն
Ի՞նչ տվեց այս աշխատանքը մասնակցին, ի՞նչ նորություն կարողացավ ներմուծել ղափամայի ծեսը կատարելիս, կցանկանա՞ նորից կատարել և ծեսերին նոր կյանք տալ:
- Արդյունք
Նկարել, տեսագրել, գրի առնել աշխատանքի ընթացքը, ներկայացնել Քոլեջի և հյուսիսային դպրոցի ենթակայքում, կրթահամալիրի կայքում՝ ֆիլմի, ֆոտոպատումի, նկարագրության տեսքով:
Խաղեր.
- Շարիկախաղ կամ քարկտիկ
- Էրգյան Հովհաննես
- Զորի
- Ալելու,թալելու(Ալաշկերտ`Մարտունու տարածաշրջան,գյուղ Ներքին Գետաշեն)
Երգեր`
- Հե՜յ ջան ղափամա
- Չամչե փլավ
- Գովենք,գովենք
Երգերի տեքստեր`
Հեյ ջան ղափամա
Արագ հասած դդումը
Առանք, բերինք մեր տունը
Մանր ջարդած աղեցինք,
Թոնրի մեջը կախեցինք:
Հեյ ղափամա, ղափամա
Մեղրը մեջը ղափամա
Հեյ ջան, ջան ղափամա
Բուղը մեջը ղափամա:
Ջան, հեյ ջան, հեյ ջան, հեյ ջան,
Ջան, հեյ ջան, հեյ ջան, հեյ ջան:
Հեյ ջան ղափամա,
Համով-հոտով ղափամա
Հեյ ջան ղափամա,
Շախով-շուխով ղափամա:
Եղ դրեցինք կծորա
Էնպես տարեք, չծորա,
Էնպես տարեք չթափի
Խաս շորերս չաղտոտի;
Հեյ ղափամա, ղափամա
Մեղրը մեջը ղափամա
Հեյ ջան, ջան ղափամա
Բուղը մեջը ղափամա:
Ջան, հեյ ջան, հեյ ջան, հեյ ջան,
Ջան, հեյ ջան, հեյ ջան, հեյ ջան:
Հեյ ջան ղափամա,
Համով-հոտով ղափամա
Հեյ ջան ղափամա,
Շախով-շուխով ղափամա։
Գդալն առած եկան տուն,
Ես ինչ՞ անեմ, ինչ՞ անեմ,
հարյուր հոգուն մէ դդում:
Եկան մըր-հեր ու հորքուր,
Եկան հըր-մեր ու մորքուր,
Եկան քեռի, քեռակին,
Խնամի ու տեգրկին,
Եկան սանիկ, սանամեր, հարսնաքուր ու հարսնախպեր,
Եկան մոտիկ, հեռավոր, զոքանչ, կեսուր ու քավոր:
Հեյ ջան ղափամա,
Որ մեկ ուտի կշտանա,
Հեյ ջան,ջան ղափամա,
Չուտողը ինչ կիմանա։
Չամչով փլավ(թոռնիկներ)
Տատիկ,տատիկ,մեր մի հատիկ,
Բրինձ լվա,փլավ արա։
կրկ.Լավ ես եփում,բոլորից լավ,
Հենց մեր սիրած չամչով փլավ։
(տատիկ)
Իմ թոռնիկներ,խելոք ու լավ
Հիմա բերեմ,տաք-տաք փլավ։
կրկ.Անուշ արեք հատ-հատ ու լավ,
Հենց ձեր սիրած չամչով փլավ։