Ապրիլի երկուսին «Ձոն գարնանը» ստուգատեսի շրջանակում «Մխիթար Սեբաստացի» կրթահամալիրի Մայր դպրոցի երգի սրահում տեղի ունեցավ հանդիպում «Այբ» դպրոցի նախկին սան Դիանա Ստեփանյանի և Գարեգին Մասուրյանի` «Կարին» ավանդական երգի պարի խմբի անդամի հետ հանդիպում քննարկում, հարց ու պատասխանի ձևաչափով։

Կինետոգրաֆիա ակումբի սովորողները ունեին բազմաթիվ հարցեր, որոնք հնչեցվեցին և ստացան իրենց պատասխանները։

Բազմաբնույթ քննարկումներից հետո ուշադրությունը տեղափոխվեց ցուցադրության՝ «Սարը սարիին» վերծանված պարի հատվածին, որը անցյալ տարի դիտարկել էինք իրենց հետ։

Նախագիծը հնարավորություն տվեց ոչ միայն տեսնել և լսել, այլև ուղղակիորեն ներգրավվել գործընթացում, զգալ ստեղծագործության ուժը և հասկանալ, թե ինչպես կինետոգրաֆիայի միջոցով կարելի է արտահայտել շարժումը, պարն ու զգացմունքները։ Նախագիծը ամփոփեց մեր գիտելիքները, բացահայտեց նոր ուղղություններ և ապահովեց կարևոր կրթական և մշակութային փորձ բոլոր մասնակցողների համար։ Միասին ձեռք բերեցինք պայմանավորվածություն մեր փորձերին մասնակցելու։

Օրվա լուսաբանումը՝