Վայր՝ Հյուսիսային դպրոց – պարտեզ, Հարթակ
Ժամանակահատված՝ ուսումնական տարի
Մասնակիցներ՝ 6 – րդ դասարանի սովորողներ
Նպատակ՝
- Հոգևոր երաժշտության փոխանցում գալիք սերունդներին:
- Նրանց միջոցով պահպանել ազգային արժեքները, ձևավորել հայապահպան մտածողությունը:
- Սովորողը պիտի իմանա, որտեղի՞ց են գալիս իր ավանդությունները, ինչու՞ է պետք իմանալը, պահել և պահպանել։
- Որտե՞ղ են կատարվում հոգևոր երգերը, ի՞նչ տոնակատարությունների ժամանակ, ո՞ր ծեսին ինչ հոգևոր ստեղծագործությունն է կատարվել։
Ընթացք՝
- Սովորում են հոգևոր ստեղծագործություններ
- Տարբեր աղբյուրներից ուսումնասիրում են այս ժանրի մասին տեղեկություններ
- Կատարվում են քննարկումներ ուսումնասիրված նյութերի շուրջ
- Սովորողը ընտրում է իր ցանկությոմբ որևէ հոգևոր գործ, կատարում է վերլուծություն
Խնդիրներ՝
- Զանազանել հայ հոգևորը օտար հոգևոր գործերից
- Գտնել ժանրային նմանությունները
- Տարբերակել կեղծը
Արդյունքները՝
Մասնակիցները կիմանան՝
- Ի՞նչ է իրենից ներկայացնում հոգևոր երաժշտությունը
- ինչու՞ է անհրաժեշտ այն իմանալ և պահապանել
- Ինչու՞ պիտի փոխանցենք գալիք սերունդների
Կկարողանան՝
- Համացանցից, այլ աղբյուրներից գտնել հոգևոր երաժշտության մասին տեղեկատվություն
- Ինքնուրույն ուսումնասիրել այս ճյուղը:
Հետևություն՝
- Ի՞նչ տվեց այս աշխատանքը մասնակցին:
Արդյունք՝
- Նկարել, տեսագրել, գրի առնել աշխատանքի ընթացքը
- Ներկայացնել դպրոցի ենթակայքում, կրթահամալիրի կայքում՝ ֆիլմի, ֆոտոպատումի, նկարագրության տեսքով:
Շարականներ՝
- Էջ Միածինն ի հօրէ – Սահակ Ձորափորեցի
- Հայր մեր – Մակար Եկմալյան
Տեքստեր՝
Էջ Միածինն ի հօրէ
Էջ Միածինն ի հօրէ
Եւ լոյս փառաց ընդ նըմա,
Ձայնք հնչեցին սանդարամետք անդնդոց։
Տեսեալ ըզլոյս մեծ
Հայրապետին Գրիգորի,
Պատմէր ցնծութեամբ հաւատացեալ արքային։
Եկայք շինեսցուք
Սուրբ ըզխորանըն լուսոյ.
Քանզի ի սմա ծագեաց մեզ լոյս
Ի Հայաստան աշխարհի։
Հայր մեր
Հայերեն (Գրաբար)
Հայր մեր որ յերկինս ես,
սուրբ եղիցի անուն Քո։
Եկեսցէ արքայութիւն Քո։
Եղիցին կամք Քո
որպէս յերկինս եւ յերկրի։
Զհաց մեր հանապազորդ
տուր մեզ այսօր։
Եւ թող մեզ զպարտիս մեր,
որպէս և մեք թողումք
մերոց պարտապանաց։
Եւ մի տանիր զմեզ ի փորձութիւն։
այլ փրկեա զմեզ ի չարէ։
Զի քո է արքայութիւն
եւ զօրութիւն եւ փառք
յաւիտեանս
Ամէն
Հայերեն (աշխարհաբար)
ՀԱՅՐ ՄԵՐ
Հա՛յր մեր, որ երկնքում ես,
Քո անունը սու՛րբ լինի,
Քո թագավորությունը գա՛,
Քո կամքը լինի՛
Ինչպես երկնքում, այնպես երկրի վրա,
Մեր ամենօրյա հացը տուր մեզ այսօր
Եվ մեզ ներիր մեր պարտքերը,
Ինչպես մենք կներենք մեր պարտապաններին
Ու մեզ փորձության մի տանի,
Այլ փրկիր մեզ չարից,
Քանի որ քոնն է թագավորությունը,
Զորությունը և փառքը հավիտյանս հավիտենից,
Ամեն։