Երաժշտություն. գնահատման գործիքներ. կարգերի մշակում

«Մխիթար Սեբաստացի» կրթահամալիրում երաժշտություն առարկան ունի գնահատման իր ուրույն գործիքները, որտեղ առաջնայինը ոչ թե սովորղին թվանշանով գնահատելն է, այլ որպես ինքնուրույն անհատի՝ ուսումնական պրոցեսի ընթացքում նրա երաժշտական հմտությունները, կարողությունները, գործունեությունը բնութագրելը:

Կրտսեր դպրոց

• 1-4-րդ դասարաններում  կիսամյակային և տարեկան ամփոփումները՝ 1-ին, 3-րդ ուսումնական շրջաններ, երաժշտության դասավանդողը լրացնում է  սովորողի աճի բնութագիր, որտեղ արտացոլված են սանի երաժշտական հմտությունների, մասնակցության, աճի, զարգացման, մեդիահմտությունների  հետ կապված հարցեր՝ «կարողանում է», «չի կարողանում», «կարողանում է մասնակի», «մասնակցում է», «չի մասնակցում», «մասնակցում է մասնակի», «տիրապետում է», «չի տիրապետու», «տիրապետում է մասնակի» և այլն: 2-րդ, 4-րդ ուսումնական շրջանները ամփոփում է դասվարը, կազմակերպիչը, որը կատարում է ըստ էլեկտրոնային մատյաններում առկա երաժշտության դասավանդողի նշումների՝ ճամբարային փառատոների, ստուգատեսների մասնակցության և ակտիվության:
• 5-րդ դասարանում  կիսամյակային ամփոփումը 1-ին ուսումնական շրջանում, երաժշտության դասավանդողը լրացնում է  սովորողի աճի բնութագիր, որտեղ արտացոլված են սանի երաժշտական հմտությունների, մասնակցության, աճի, զարգացման, մեդիահմտությունների  հետ կապված հարցեր՝ «կարողանում է», «չի կարողանում», «կարողանում է մասնակի», «մասնակցում է», «չի մասնակցում», «մասնակցում է մասնակի», «տիրապետում է», «չի տիրապետու», «տիրապետում է մասնակի» և այլն: 2-րդ, 4-րդ ուսումնական շրջանները ամփոփում է դասվարը, կազմակերպիչը, որը կատարում է ըստ էլեկտրոնային մատյաններում առկա երաժշտության դասավանդողի նշումների՝ ճամբարային փառատոների, ստուգատեսների մասնակցության և ակտիվության: 3-րդ ուսումնական շրջանը դասավանդողը գնահատումը իրականացնում է 1-10 բալանի գնահատանիշով:

Միջին դպրոց

• Երգը, պարը 6, 8-րդ դասարաններում կիսամյակային և տարեկան ամփոփումները` 1-ին, 3-րդ ուսումնական շրջաններ, երաժշտության դասավանդողը գնահատումը իրականացնում է 1-10 բալանի գնահատանիշով: 2-րդ, 4-րդ ուսումնական շրջանները ամփոփում է կազմակերպիչը, որը կատարում է ըստ էլեկտրոնային մատյաններում առկա երաժշտության դասավանդողի նշումների՝ ճամբարային փառատոների, ստուգատեսների մասնակցության և ակտիվության:

Ավագ դպրոց, Քոլեջ

• Երգը, պարը  9-12-րդ դասարաններում, Քոլեջում, կիսամյակային և տարեկան ամփոփումները` 1-ին, 3-րդ ուսումնական շրջաններ, երաժշտության դասավանդողը գնահատումը իրականացնում է 1-10 բալանի գնահատանիշով: 2-րդ, 4-րդ ուսումնական շրջանները ամփոփում է կազմակերպիչը, որը կատարում է ըստ էլեկտրոնային մատյաններում առկա երաժշտության դասավանդողի նշումների՝ ճամբարային փառատոների, ստուգատեսների մասնակցության և ակտիվության:

4-12-րդ դասարաններում երաժշտության, պարի դասավանդողը առարկային վերաբերվող օրվա նշումները գրանցում է էլեկտրոնային գնահատման մատյաններում՝ կարող է լինել թվանշանի, «պլյուսի», «մինուսի», ցուցանիշների՝ «0, 0.5, 1» և այլնի տեսքով:  

Ստուգման և կիսամյակային, տարեկան գնահատման սկզբունքները, կարգը

Գնահատվում է

• սովորողի մասնակցությունը, ներգրավածությունը, ներառումը, հետաքրքրվածությունը դասապրոցեսին,
• սովորողի մասնակցությունը առավոտյան ընդհանուր պարապմունքներին, կրթհամալիրի ուսումնական օրացույցով սահմանված ծեսերին, տոներին, համերգներին, ուրբաթ առավոտյան «Ուսումնական ժամերգությանը», Մեդիաուրբաթ-համերգներին, երաժշտական տարբեր նախագծերին, արտագնա ճամփորդություններին,
• սովորողի մեդիահմտությունները՝  բլոգավարությունը. բլոգում արտացոլված է երաժշտություն առարկան և իր մասնակցությամբ, իր կողմից ստեղծված  ուսումնական նյութերը՝ վիդեոներ, պատումներ, նկարաշարեր և այլն, տեղադրված է համապատասխան  բաժնում,
• սովորողի մասնակցությունը առցանց երաժշտական ֆլեշմոբերի, վիկտորինաների, նախագծերի և այլն
• սովորողի կողմից, մասնակցությամբ ուսումնական նյութերի ստեղծում (կարաոկեների, ֆիլմերի, պրեզենտացիաների, ձայնագրությունների  տեսքով):

Գնահատման կարգը

• Ստուգման և կիսամյակային, տարեկան գնահատումը կատարվում է ըստ ուսումնական չորս շրջանների:
• Ամեն ուսումնական շրջանի գնահատում կատարվում է ըստ օրացույցով հաստատված շրջանի՝ մինչև վերջին օրը:
• Գնահատման արդյունքների ամփոփումից հետո, գրասենյակի ղեկավարի հաստատմամբ դասվարը, կազմակերպիչը ցուցանիշների մասին տեղեկացնում են սովորողներին, ծնողներին: