Սեբաստացու օրեր. Հանդիպում Գարեգին Մասուրյանի հետ – նախագիծ

Նոյեմբերի 12-ին, Սեբաստացու օրերի շրջանակում, կինետոգրաֆների խմբի նախաձեռնությամբ երաժշտության սրահում տեղի ունեցավ հանդիպում Գարեգին Մասուրյանի հետ։

Հանդիպման ընթացքում հյուրը ներկայացրեց կինետոգրաֆիայի առաջացման պատմությունը, դրա առանձնահատկություններն ու նշանակությունը, խոսեց Սրբուհի Լիսիցյանի կյանքի, գիտական գործունեության և հայկական պարարվեստի գրառման, ուսումնասիրման ու պահպանման գործում ունեցած ներդրման մասին։

Հանդիպման ուշագրավ հատվածներից էր Գարեգին Մասուրյանի կողմից իր ձեռք բերած՝ Սրբուհի Լիսիցյանի պարային գրառումների ներկայացումը։ Սովորողները հնարավորություն ունեցան տեսնելու այդ նյութերը, ծանոթանալու դրանց առանձնահատկություններին, ինչը մեծացրեց նրանց հետաքրքրությունը թեմայի նկատմամբ։

Հանդիպումն անցավ ջերմ ու հետաքրքիր մթնոլորտում։ Այն հնարավորություն տվեց սովորողներին ընդլայնելու իրենց գիտելիքները կինետոգրաֆիայի վերաբերյալ և ավելի մոտիկից ծանոթանալու հայկական պարարվեստի պահպանմանն ուղղված կարևոր աշխատանքներին։

Համաղեկավար Մերի Գարեգինյանի ամփոփումը

Leave a Reply

Your email address will not be published. Required fields are marked *