Աշխատանքային այցով հունիսի ութին եղանք Վարսեր և Դդմաշեն համայնքով։

Վարսեր համայնքի հերթն էր այս անգամ ստանալու իրենց հասանելիք թմբուկը,որպեսզի ինչպես կրթահամլիրում,այնպես էլ իրենց դպրոցում և առհասարակ համայնքում երգեն և պարեն թմբուկի հարվածների ներքո։

Սյուզի Մարգարյանը ներկայացրեց աշխատանքային խմբին և աշխատանքի բնույթը,որը իրենց ենթադրում է ճամբարների մուտք գյուղական համայնքներ։

Լենա Ղազարյանը նույնպես ներկայացրեց,քանի որ Վարսերում որպես ճամբարի ղեկավար անմիջական առնչվողն ու կազմակերպիչն է։Փոխանակվեցին հեռախոսահամարներով և տվյալներով,ովքեր պատրաստակամություն հայտնեցին հյուրընկալելու իրենց օջախներ սովորողների։Վերջում ներկայացրեցի երաժշտական մասը և միասին կատարեցինք միասնական պարերգեր,թմբուկի նվագակցությամբ։

Ապա շարունակեցինք ճանապարհը դեպի Դդմաշեն համայնք,որտեղ նույնպես ներկայացվեց ճամբարը իր ողջ մանրամասնությամբ։Վերջում կրկին ազգային երգ ու պարով։