Համագործակցային նախագիծ` Տաթև Մանվելյան

Համակարգող՝ Տաթև Մանվելյան

Հյուսիսային դպրոցի պատասխանատու՝ Արմենուհի Սոկրատունի

Վայր` «Մխիթար Սեբաստացի» կրթահամալիր՝ Արևելյան դպրոց՝ Վերնատուն

Օր, ժամ` ապրիլ 5, 10:30

Ժամանակահատված` մարտ 8 – ապրիլ 7

Տարիքային խմբեր՝ 1-5-րդ դասարանների սովորողներ

Մասնակիցներ` Մխիթար Սեբաստացի կրթահամալիրի Հյուսիսային դպրոցի և Արևելյան դպրոցի երաժշտական ընտրության գործունեության խմբեր,դասավանդողներ, ծնողներ և ցանկացողներ։

Նպատակ`

• Ընտրության խմբերի համագործակցություն
• փորձի փոխանակում

Ընթացք՝

• Սովորել երգերի բառերը
• Նվագակցել շվի նվագարանով

Ծրագրում՝ վոկալ – խմբերգային կատարումներ

Առաջին և երկրորդ դասարաններ

• Քելե, քելե – Կոմիտաս
• Հոյ, իմ նազանի յարը – Կոմիտաս
• Լեպհո լե, լե – Քրիստափոր Կարա-Մուրզա
• Խուտուտ – մուտուտ – Տ. Մանսուրյան

Երրորդ դասարան

• Տղամարդկանց քայլերգ – Ա. Տիգրանյան «Դավիթ Բեկ» օպերայից
• Կովկասի քաջեր

Միասնական կատարումներ՝

• Քելե, քելե – Կոմիտաս
• Հոյ, իմ նազանի յարը – Կոմիտաս

Վոկալ – գործիքային կատարումներ՝ (շվի)

• Քելե, քելե
• Լեպհո լե, լե
• Փափուռի

Տեքստեր՝

ԿՈՄԻՏԱՍ

ՔԵԼԵ, ՔԵԼԵ

Քելե՛, քելե՛, քելքիդ մեռնեմ,

Քո գովական խելքիդ մեռնեմ,

Սիրավոր լորիկ,

Վիրավոր լորիկ,

Լորիկ, 

Սևավոր լորիկ,

Լորիկ ջան:

Քելե՛, քելե՛, քողիդ մեռնեմ,

Քո լուսընկա շողիդ մեռնեմ:

Քելե՛, քելե՛, բերնիդ մեռնեմ,

Քո սիրունիկ ձենիդ մեռնեմ:

Քելե՛, քելե՛, ձենիդ մեռնեմ,

Քո հուր-կրակ սերիդ մեռնեմ,

Քելե՛, քելե՛, աչիդ մեռնեմ,

Քո անուշիկ պաչիդ մեռնեմ:

Հոյ, իմ Նազանի յարը

(Աղջիկ)

Ես աղջիկ եմ, նազ ունիմ,

Հոյ, իմ նազանի յարը,

Հագիս շորը խաս ունիմ,

Ջան, նազանի յարը:

(Խումբ)

Նազան իմ յարը,

Հոյ, Նազան յարը,

Նազան իմ յարը,

Հոյ, Նազան յարը:

(Տղաներ)

Բոյդ չինարի ծառ,

Հոյ, Նազան յարը

Ընկել եմ սարեսար,

Ջան, Նազան յարը:

(Աղջիկ)

Սարերը կապույտ քար ա,

Ես իմ յարից համ չառա.

(Տղաներ)

Աղջի, մեռնեմ էդ նազիդ,

Թող կուշտ նայեմ երեսիդ:

(Խումբ)

Նազան իմ յարը,

Հոյ, Նազան յարը,

Նազան իմ յարը,

Հոյ, Նազան յարը:

(Տղաներ)

Մեռնեմ ես էն օրին,

Տեսնեմ սիրուն յարին:

(Աղջիկ)

Թեթև ամպը սարին չի,

Ինձ տանելու տարին չի:

(Տղա)

Շորերդ ծալ-ծալ, աղջիկ,

Հոյ, իմ նազանի յարը,

Այտերիդ սև խալ, աղջիկ,

Ջան, իմ նազանի յարը:

(Տղաներ)

Բոյ ես քաշել ինձ համար,

Քեզ կտանեմ էս ամառ:

(Տղաներ)

Հալվեց ձյունը սարի,

Իմ յար, դե տուն արի:

(Աղջիկներ)

Շատ ջահել ես, տուն չունես,

Հորս մոտ անուն չունես:

(Տղաներ)

Թե նա ինձ լավ ճանաչի,

Ազիզ փեսա կկանչի:

(Խումբ)

Նազան իմ յարը,

Հոյ, Նազան յարը,

Նազան իմ յարը,

Հոյ, Նազան յարը:

Հոյ Նազան յարը,

Ջան, Նազան յարը,

Նազան յարը:

Լեպհո լե, լե

Լեպոհո, լե, լե, լեպոհո, լե, լե

Լեպոհո, լե, լե, լեպոհո, լե:

Կրկներգ.Հոդալլո ջան,

Հոդալլո ջան,

Հոդալլո:

Աչեր սիրուն,

Դարալլո ջան,

Դարալլո:

Քամին փչեց սարի լանջին,

Լեպոհո, լե, լե, լեպոհո, լե:

Հովը շնկաց ծառի տակին,

Լեպոհո, լե, լե, լեպոհո, լե:

Կրկներգ.Հոդալլո ջան,

Հոդալլո ջան,

Հոդալլո:

Աչեր սիրուն,

Դարալլո ջան,

Դարալլո:

Ելնենք սարը, բռնենք պարը,

Լեպոհո, լե, լե, լեպոհո, լե:

Բացվի օրը, մտնենք ձորը,

Լեպոհո, լե, լե, լեպոհո, լե:

Կրկներգ.Հոդալլո ջան,

Հոդալլո ջան,

Հոդալլո:

Աչեր սիրուն,

Դարալլո ջան,

Դարալլո:

Խուտուտ – մուտուտ

Խուտուտն եկավ, խուտուտն եկավ
Մանրիկ-մանրիկ ու անտես:
Քրքիջ բերող նրա ձեռքից
Ո՞նց ազատվեմ հիմա ես:

Խուտուտ-մուտուտ, ծիծաղի կուտ,
Թևիս տակից դուրս գնա:
Թե չէ՝ հիմա, թե չէ՝ հիմա…
Կորիր, թե չէ՝ հենց հիմա…
Հա-հա-հա, հի-հի-հի,
Հա-հա-հա, հի-հի-հի,
Հա-հա-հա-հա-հա, հի-հի-հի-հի-հի…

Խուտուտ աջից, խուտուտ ձախից,
Չի նվազում նա բնավ:
Ոչ թողնում է նստել հանգիստ,
Ոչ վեր կենալ ու գնալ…

Խուտուտ-մուտուտ, ծիծաղի կուտ,
Թևիս տակից դուրս գնա:
Թե չէ՝ հիմա, թե չէ՝ հիմա…
Կորիր, թե չէ՝ հենց հիմա…
Հա-հա-հա, հի-հի-հի,
Հա-հա-հա, հի-հի-հի,
Հա-հա-հա-հա-հա, հի-հի-հի-հի-հի…

Հնար չկա ու ճար չկա,
Էլ չեմ կարող դիմանալ:
Քրքջումեն ահա ինձ հետ
Երկինք արև տուն ու ծառ…

Խուտուտ-մուտուտ, ծիծաղի կուտ,
Թևիս տակից դուրս գնա:
Թե չէ՝ հիմա, թե չէ՝ հիմա…
Կորիր, թե չէ՝ հենց հիմա…
Հա-հա-հա, հի-հի-հի,
Հա-հա-հա, հի-հի-հի,
Հա-հա-հա-հա-հա, հի-հի-հի-հի-հի…

Տղամարդկանց քայլերգ

«Դավիթ Բեկ» օպերայից

Մեզ չի ընկճի ոչ շղթան,

Ոչ կապանքներ, ոչ զնդան:

Փշրենք լուծը օտարի,

Անագորյուն բռնության:

Կրկներգ.

Ելնենք ահեղ պայքարի,

Փշրենք շղթան օտարի,

Կամքով անհաղթ, անպարտ

Ելնենք մարտի:

ԿՈՎԿԱՍԻ ՔԱՋԵՐ

Կովկասի քաջե’ր, խմբեր կազմեցեք,
Քաջ Անդրանիկին օգնութեան հասեք,
Առած իր շուրջը զինվորներ ութսուն,
Մաքր ճանապարհ նա դեպի Սասուն:
Սուլթան սարսափած, ճարը կտրված,
Հազար ոսկի է գլխին խոստացած:

Հայ պատանիներ, շուտով շարժուեցեք,
Երբեք մի վախենաք, սուսեր շարժեցեք,
Հասել է ժամը սուրբ ազատութեան,
Կենալու ժամ չէ, շուտով քալեցեք:
Սիրենք միություն, չանենք վատություն,
Ունենանք, հայե’ր, սուրբ ազատություն: