Վայր`Հյուսիսային դպրոց – պարտեզ, Քոլեջ

Տարիքային խմբեր` 2 – 4 տարեկաններ

Նպատակ`

ազգային մշակույթի յուրացում ծեսերի (որպես միասնական, բազմաբնույթ, ինտեգրված գործունեություն) միջոցով:

2. Ծեսի մասնակիցներ

«Մխիթար Սեբաստացի» կրթահամալիրի նախակրթարանի սովորողներ

3. Ընթացքը

• տարբեր աղբյուրներից ուսումնասիրում են «Զատիկի» խորհուրդի մասին
• Սովորում են «Զատկական» ասիկներ,
• Ծլեցնում են զատկական ցորենը
• Հավաքում և պահեստավորում են կարմիր սոխի կեղևները՝զատկական ձվերը ներկելու համար
• Հավաքում են գեղեցիկ տերևներ՝ձվերը զարդարելու համար
• Պատրաստում են երգերին և խաղերին անհրաժեշտ ռեկվիզիտներ,
• համակարգում են հիմնական գործողությունները,
• սովորում են «Զատկական» ազգային ծիսական երգեր,պարեր և խաղեր։

4. Աշխատանքների ծավալը և ժամանակացույցը

Ուստարվա ընթացքում

5. Արդյունքները

մասնակիցները կիմանան                                                              

• ազգային ծեսեր,
• ազգային սովորույթներ,
• հայկական ժողովրդական, ծիսական երգեր, խաղերգեր։

կկարողանան

• երգել հայկական ազգագրական և ծիսական երգեր,
• ծեսին նոր կյանք տալ։

կլինեն

• ծեսը իմացող ակտիվ մասնակից, փոխանցող, տարածող:

Ծեսն այն միջավայրն է, որտեղ մասնակիցները ծեսի նախապատրաստական և իրականացման ընթացքում կկիրառեն իրենց կարողությունները, հմտությունները, գիտելիքները:

6. Հետևություն

Ի՞նչ տվեց այս աշխատանքը մասնակցին, ի՞նչ նորություն կարողացավ ներմուծել Զատկի ծեսը կատարելիս, կցանկանա՞ նորից կատարել և ծեսերին նոր կյանք տալ:

7. Արդյունք

Նկարել, տեսագրել, գրի առնել աշխատանքի ընթացքը, ներկայացնել Հյուսիսային դպրոցի ենթակայքում, կրթահամալիրի կայքում՝ ֆիլմի, ֆոտոպատումի, նկարագրության տեսքով:

Երգեր և պարերգեր՝

• Յալալի
• Զա՛րկ, բոլոճիկ, զարկ
• Օր պար,ճոր պար

Երգի տեքստեր՝

Զա՛րկ, բոլոճիկ, զարկ

կրկնակ-Զա՛րկ, բոլոճիկ, զարկ,

Դու զարկ, ես խաղամ: — 2անգամ

1.Ճաշիկ, դու պաղի,

Սարակ դու քաղի:

Զա՛րկ, բոլոճիկ, զարկ,

Դու զարկ, ես խաղամ: — 2անգամ

2.Զատկե զատիկ է,

Նավակատիկ է:

Զա՛րկ, բոլոճիկ, զարկ,

Դու զարկ, ես խաղամ: — 2անգամ

3.Զատկե զատիկ է,

Չամչե հատիկ է:

Զա՛րկ, բոլոճիկ, զարկ,

Դու զարկ, ես խաղամ: — 2անգամ

4.Զատկի ձուն ներկի,

Դրկիցին տվի:

Զա՛րկ, բոլոճիկ, զարկ,

Դու զարկ, ես խաղամ: — 2անգամ

       ՅԱԼԱԼԻ (ԶԱՏԻԿ-ԶԱՏԻԿ ՏԵՐՆ ՀԱՐՈՒԹՅՈՒՆ Է ԱՌԵԼ․․․)

Զատիկ-Զատիկ—Տերն հարություն է առել,

Զատիկ-Զատիկ—հավը կարմիր է ածել,

Զատիկ-Զատիկ—Պողոսն երազ է տեսել,

Զատիկ-Զատիկ—Պողոս երազդ ի բարին,

Զատիկ-Զատիկ— շնորհավոր Սուրբ Զատիկ:

Ճոր պար

Օր պար, ճոր պար,

Ոսկե գնդին բարեբար,

Մեծ պա՛պ, արի գողտուկ տա՛ր,

Շատ պզտիկ է, չէ՛, չենք տա:

Ճոր անենք, ճոր պար անենք,

Ոսկե թախտին պար անենք,

Զատկին մենք նոր շոր կարենք,

Սա էլ մաշվի՝ նորն անենք:

Զատկական ասիկներ՝

1.Ձմեռն անցավ, գարունն եկավ,

Պասը գնաց ուտիսն եկավ,

Քաշվի, կորի այ պաս պապի,

Զատիկն եկավ, բարով եկավ, խերով եկավ։  

2.Այբ, ժե, ճե, ռա,

Կճուճը թոնրում կեռա:

                                                                      ,

3.Շուտ արա Ուտիս տատի,                                                      

Զատիկը բեր, ես անոթի մեռա։ 

4.Ավետի՜ք, ձեզ ավետիք,

Ձեզ ու մեզ մեծ ավետիք․                                                                       

Քրիստոնեայք արթուն կացեք,                                                              

Քրիստոս յարյավ ի մեռելոց։   

5.Զատիկ, Զատիկ նավակատիկ,

Արի նստի մեր տան մոտիկ,                                                            

Իմ հեր քե կանի ուր լաճիկ,                                                            

Իմ մեր քե կանի ուր հարսիկ,                                                          

Ես քե կուտամ իմ խաս գուլպեն,                                                            

Արի խեր բեր մեր տան վրեն։