Վայր` Հյուսիսային դպրոց – պարտեզ, ներքին բակ
Տարիքային խմբեր` 2 – 5 տարեկաններ
Ժամանակահատված` ամառային ուսումնական ճամբար
Մասնակիցներ` «Մխիթար Սեբաստացի» կրթահամալիրի սովորողներ, ծնողներ, հարազատներ և այլ ցանկացողներ
Նպատակ`
- Ուսումնական միջավայրը տեղափոխել բնական դաշտ` դեպի լողավազաններ
- Ուսումնական նյութի յուրացումը իրականացնել լողալով, կամ ջրում խաղալով
Աշխատանքների ծավալը և ժամանակացույցը
- Ամառային լողափնյա ճամբար
Ընթացքը՝
- Սովորում են լողափնյա ճամբարի համար նախատեսված երգեր
- համակարգում են հիմնական գործողությունները
Արդյունքները՝
մասնակիցները կիմանան ՝
- հայկական ժողովրդական, ծիսական երգեր, խաղերգեր։
կկարողանան՝
- երգել հայկական ազգագրական երգեր,
- երգերին նոր կյանք տալ։
կլինեն՝
- ազգայինը իմացող ակտիվ մասնակից, փոխանցող, տարածող:
- Լողափնյա ճամբարները այն միջավայրն է, որտեղ մասնակիցները նախապատրաստական և իրականացման ընթացքում կկիրառեն իրենց կարողությունները, հմտությունները, գիտելիքները:
Հետևություն՝
- Ի՞նչ տվեց այս աշխատանքը մասնակցին,
- Ի՞նչ նորություն կարողացավ ներմուծել լողավազանում երգերը կատարելիս,
- Կցանկանա՞ նորից կատարել երգերը լողալիս և նոր կյանք տալ:
Արդյունք՝
- Նկարել, տեսագրել, գրի առնել աշխատանքի ընթացքը
- Ներկայացնել Հյուսիսային դպրոցի և Քոլեջի ենթակայքում,
- Կրթահամալիրի կայքում՝ ֆիլմի, ֆոտոպատումի, նկարագրության տեսքով:
Ծրագրում`
2 – 4 տարեկաններ
- Արև, արև դուս արի (էջ 6)
- Արև, արև եկ, եկ (էջ 7)
- Այ իմ գնդակ (էջ 29)
- Ծափիկ, ծափիկ (էջ 9)
- Հոպ, թըռի (էջ 19)
- Կռունկ ծափ տու ու թռի (էջ 44)
- Եկեք ծեծենք (էջ 16)
- Զըպիկ, զըպիկ (էջ 28)
5 տարեկաններ
- Արև, արև (էջ 11)
- Արև, արև դուս արի (էջ 6)
- Արև, արև եկ, եկ (էջ 7)
- Այ արևը, արևը (էջ 12)
- Այ իմ գնդակ (էջ 29)
- Ծափիկ, ծափիկ (էջ 9)
- Հոպ, թըռի (էջ 19)
- Էկեք ծեծենք (էջ 16)
- Զար զնգա (էջ 103)
- Հախչա, հախչա (էջ 15)
- Լուսնակ պատին դիպել ա (էջ 33)
- Զըպիկ, զըպիկ (էջ 28)
- Սոնա յար
Պարեր՝
- Վերվերի
- Էջմիածին
Ռիթմիկ շարժում՝
Երգերի տեքստեր՝
Արև, արև
Արև՛, արև՛, արի դուս,
Քեզ բերել ենք աչքի լուս,
Քո քուրիկը՝ Լուսնկան,
Բերեց չամիչ մեկ աման,
Ամպը եկավ մութ արավ,
Չամիչն աչքերես կորավ:
Բաց երեսդ, արեգակ,
Մի բուռ չամիչ քեզ կտանք…
Օ՜խ, արևին խաբեցինք,
Օ՜խ, արևին խաբեցինք,
Օ՜խ, արևին խաբեցինք,
Ամպի տակեն հանեցինք,
Օ՜խ, արևին խաբեցինք:
Արև, արև, դուս արի
Արև, արև, դո՛ւս արի,
Հերն ու մերդ էկել են,
Թուր ու թվանք բերել են,
Գոմշի ոտին տվել են,
Թե դուս կգաս՝ քե՜զ կտամ,
Թե դուս չես գա՝ շան ու գիլի փա՜յ կանեմ:
Արեգակ
Արև, արև, ե՛կ, ե՛կ,
Զիզի քարին վեր եկ,
Սև-սև ամպեր, հեռացեք,
Արևին ճամփա բացեք:
Թողեք՝ նա գա մեզ մոտ,
Նրա լույսին ենք կարոտ,
Կարմիր արև, ե՛կ, ե՛կ,
Զիզի քարին վե՛ր եկ:
Արևն հաղթեց ամպերին,
Շողքը գցեց սարերին,
Զիզի քարը, տե՛ս, տե՛ս,
Պսպղում է ոսկու պես:
Կարմիր արև, ե՛կ, ե՛կ,
Զիզի քարին վե՛ր եկ:
Այ, արևը
Կրկներգ.
Այ, արևը, արևը,
Ում տամ տանի բարևը:
1. Հենց որ ծագի արևը,
Այ, արևը, արևը,
Քեզի ղրկեմ բարևը,
Ում տամ տանի բարևը:
Կրկներգ.
Այ, արևը, արևը,
Ում տամ տանի բարևը:
2. Արև ելավ էն սարից,
Այ, արևը, արևը,
Կաքավ կանչեց էն սարից,
Ում տամ տանի բարևը:
Կրկներգ․
Այ, արևը, արևը,
Ում տամ տանի բարևը:
3. Պուճուր թըփին լեն տերև,
Պաչեմ ունքերիդ վերև,
Արի ցավիս ճար արա,
Հենց դու ըլիս կյանք-արև:
Կրկներգ.
Այ, արևը, արևը,
Ում տամ տանի բարևը:
Այ իմ գնդակ
Ա՛յ, իմ գնդակ, իմ գնդակ,
Կանաչ, կարմիր, կապուտակ, /2 անգամ
Թռիր վերև իջիր ցած,
Չալին մնա զարմացած: /2 անգամ
Գլոր-գլոր գլորվի,
Խոտերի մեջ մոլորվի, /2 անգամ
Չալին տեսնի խտտի,
Խունջիկ-մունջիկ պտտի: /2 անգամ
Ծափիկ, ծափիկ
Ծափիկ, ծափիկ ծիրանի,
Կարմիր խնձոր նմանի,
Ձյունե ճերմակ թաթիկներ,
Կուզեն ոսկե մատանի: 2 անգամ
Ծափիկ, ծափիկ ծիրանի,
Ծառ – վառ վարդի նմանի,
Ոսկե դերձան մազերը,
Հովը թել – թել կտանի։ 2 անգամ
Հոպ թռի
Հոպ, թռի, հոպ, հոպ, թռի
Հայկո ջան,
Շուտ թռի, շախով թռի
Վարսո ջան․
Խնձոր ե ծառի վրա,
Հայկո ջան,
Ծաղիկ ես սարի վրա,
Վարսո ջան․
Անուշ տաղ ասող կաքավ,
Հայկո ջան,
Կանգնել ես քարի վրա,
Վարո ջան․
Ախպեր ունեմ՝ գառնարած,
Հայկո ջան,
Պարի միջին շվարած
Վարսո ջան․
Կըռունկ ջան, արի,արի
Կըռունկ ջան, արի,արի,
Կըռունկ ծափ տու ու թըռի:
Կըռունկ ջան արի, արի,
Կըռունկ ծափ տու ու թըռի:
Կըռունկ ձախ թեւին արի,
Կըռունկ ծափ տու ու թռի:
Կըռունկ աջ թեւին արի,
Կըռունկ ծափ տոու ու թռի:
Կըռունկ սարերով արի,
Կըռունկ ծափ տու ու արի:
Գընա, արի, ման արի,
Կըռունկ ծափ տոու ու թըռի:
Ցոլա ամպերի տակին,
Կըռունկ ծափ տու ու թըռի:
Ծաղիկ-ծառների տակին
Կըռունկ ծափ տու ու թըռի:
Կըռունկ գարնան արեւին
Կըռունկ ծափ տու ու թռի:
Էկար մտար մեր այգգին
Կըռունկ ծափ տու ու թըռի:
Արեւը դարի վըրա,
Կըռունկ ծափ տու ու թըռի:
Մամուռը քարի վըրա,
Կըռունկ ծափ տու ու թըռի:
Էրկու կռունկ եմ տեսել,
Կըռունկ ծափ տու ու թըռի:
Արագած սարի վըրա
Կըռունկ ծափ տու ու թըռի:
Կռունկ ջան, արի, արի
Կըռունկ ծափ տու ու թըռի:
Կռունկ ջան, արի, արի
ըԿըռունկ ծափ տու ու թըռի:
Էկեք ծեծենք սոխ ու սխտոր
Էկեք ծեծենք սոխ ու սխտոր,
Ինչով ծեծենք,
Գլխով ծեծենք:
Գլխով, գլխով, գլխով ծեծենք: 2-անգամ
Էկեք ծեծենք սոխ ու սխտոր,
Ինչով ծեծենք,
Քթով ծեծենք,
Քթով, քթով, քթով ծեծենք: 2-անգամ
Էկեք ծեծենք սոխ ու սխտոր,
Ինչով ծեծենք,
Ուսով ծեծենք:
Ուսով, ուսով, ուսով ծեծենք: 2-անգամ
Էկեք ծեծենք սոխ ու սխտոր,
Ինչով ծեծենք,
Ծնկով ծեծենք:
Ծնկով, ծնկով, ծնկով ծեծենք: 2-անգամ
Էկեք ծեծենք սոխ ու սխտոր,
Ինչով ծեծենք
Ոտքով ծեծենք:
Ոտքով, ոտքով, ոտքով ծեծենք: 2-անգամ
Էկեք ծեծենք սոխ ու սխտոր,
Ինչով ծեծենք,
Ձեռքով ծեծենք,
Ձեռքով, ձեռքով, ձեռքով ծեծենք: 2- անգամ
Զար, զընգը
Զար, զընգը, զար, զընգը, թող զընգա,
Պարենք գիշեր լուսընկա:
Էս գիշերլուսնակ գիշեր,
Զար, զընգը, զար, զընգը, թող զընգա,
Ձուն էկեր գետին նախշեր,
Զար, զընգը, զար, զընգը, թող զընգա,
Էլի պարը բոլորավ,
Զար, զընգը, զար, զընգը, թող զընգա,
Քուրըս միջին մոլորավ,
Պարենք գիշեր լուսընկա:
Զար, զընգը, զար, զընգը, թող զընգա,
Պարենք գիշեր լուսընկա:
Հախչա, հախչա
-Հախչա, հուխչա,
-Հախչա, հուխչա.
-Աղջի՝
-Հարսի,
-Հարսը՝
-Թարսի,
-Մերը՝
-Մերսի,
-Հերը՝
-Հերսի,
-Քուրը՝
-Քուրսի,
-Պապը՝
-Թարսի,
-Թոռը՝
-Թոռի:
-Հախչա, հուխչա,
-Հախչա, հուխչա.
-Հարսի՝
-Աղջի,
-Սիրտը՝
-Ա՛խչի,
-Բողկը՝
-Աղչի,
-Սերը՝
-Խաղ չի,
-Փեսան՝
-Կաղ չի,
-Սիրտը՝
-Պաղ չի,
-Առնի՝
-Փախչի,
-Ճամփով՝
-Բաղչի,
-Հե՛ ջան,
-Կաղ չի,
-Հե՛ ջան,
-Փախչի:
-Հախչա, հուխչա,
-Հախչա, հուխչա:
Լուսնակ պատին դիպել ա
Լուսնակ պատին դիպել ա,
Լուսնակ պատին դիպել ա,
Լուսնակ պատին դիպել ա,
Բակն արևով լըցվել ա:
Էս գիշեր ես դուրս ելա,
Լուսնակ պատին դիպել ա,
Լուսնակն անուշ կըցոլա,
Բակն արևով լըցվել ա:
Կըցոլա Հալվա սարին,
Լուսնակ պատին դիպել ա,
Կըկաթա մարմար քարին,
Բակն արևով լըցվել ա:
Լուսնակն անուշ բոլոր ա,
Լուսնակ պատին դիպել ա,
Մեջ թուխ ամպին մոլոր ա,
Բակն արևով լըցվել ա:
Ելանք սարեր, քաղցըր նուշ,
Լուսնակ պատին դիպել ա,
Բոբիկ ոտներ կէլներ փուշ,
Բակն արևով լըցվել ա:
Լուսնակ պատին դիպել ա,
Լուսնակ պատին դիպել ա,
Լուսնակ պատին դիպել ա,
Բակն արևով լցվել ա:
Զըպիկ, զըպիկ, զարին ա
Զըպիկ, զըպիկ, զարին ա,
Իգդա շուշան դարին ա:
Շուշան գընաց աղցանի,
Աղցան չըկար՝ չորցել էր,
Ջըրի ճամփեն մոռցել էր,
Անձրև չեկավ էս տարին,
Չորցավ ցորեն ու գարին:
Զըպիկ, զըպիկ, զարին ա,
Իգդա շուշան դարին ա:
Գոռգոռոցն ընկավ վերև,
Լըվաց կանաչ ու տերև,
Անձրևն էկավ, գոլ երավ,
Ցորեն արտը բոլ էրավ:
Զըպիկ, զըպիկ, զարին ա,
Իգդա շուշան դարին ա:
Թելիկ-մելիկ ման էկա,
Քեզի հանդերում գըտա,
Մերիկըս թըխեց գաթա,
Ինձի չի տա, քեզ կըտա:
Զըպիկ, զըպիկ, զարին ա,
Իգդա շուշան դարին ա: