Մանկավարժական ակումբ. Ձիավարություն

«Մանկավարժական ակումբի» շրջանակում այս տարի ես համակարգում եմ ձիավարության պարապմունքները։

Քանի որ ձիավարությունը իրենից ենթադրում է բաղադրիչներ, որոնք ոչ բոլորին են գրավում, հետևապես մասնակցողների քանակը նույնպես մեծ լինել չէր կարող։

Սակայն նրանք, ովքեր ընտրել են ձիավարություն, յուրաքանչյուրը ունի իր առջև դրված խնդրի հաղթահարում։

Դասավանդողների հիմնական խումբը ցանկություն ուներ հաղթահարելու վախը և կենդանու հետ շփումը, խնամքի միջոցով։

Իսկ ձիասպորտով զբաղվողների թիվը ընդհամենը երկուսն էր, ովքեր ցանկություն ունեցան առավել լուրջ մոտենալու այս աշխարհին։

Այս երկու շաբաթների ընթացքում կարողացանք գրանցել բավական լավ արդյունք, երկու խմբի մասնակիցների հետ։

Օր առաջին` հունիս 13

Առաջին օրը մանկավարժների խմբի հետ հաղթահարեցինք որոշակի վախը, ապա խնամեցինք ձի Ջենին։ Սանրում, լոգանք և կերակրում։

Օր երկրորդ` հունիս 14

Քանի որ յուրաքանչյուր օր պարտադիր պիտի առաջինը լինի խնամքը, բնականաբար մենք նույն տրամաբանությամբ այս ամենը կշարունակենք մեր հաջորդիվ օրերին, բացի լոգանքից, որի պատասխանատուները` ովքեր հրահանգ կտան լողացնելու կենդանուն, ըստ անհրաժեշտության և եղանակային պայմաներից ելնելով, կլինեն մարզիչները։

Խնամքից հետո դասավանդողի հետ սովորում ենք ձիավարության գույքի դետալներին և անվանումներին, ծանոթանում կենդանու ռ նրա բնավորության հետ, ապա հանդերձավորում կենդանուն և դուրս գալիս մանեժ սկսելու պարապմունքը։

Շատ լավ ստացվում է դասավանդող` Հայկուհի Հովհաննիսյանի մոտ։ Ում հետ էլ ավելի խորացրեցինք պարապմունքը։ Հայկուհին շարունակեց ընթացքը երկու շաբաթ անընդմեջ։

Սոնա Քեհեյանի հետ խնամեցինք Մաշա ձիուկին։

Այդ օրը մեզ հետ պարապմունքը անցկացրեց մարզիչ` Համբարձումը։

Երրորդ օր` հունիս 15

Շարունակում ենք պարապմունքները դասավանդողների հետ, յուրաքանչյուրը իր հնարավորությունների սահմանում փորձում է հաղթահարել խոչնդոտները։

Օր չորրորդ՝ հունիս 16

Քանի որ առաջին շաբաթվա մանկավարժների թիմը միայն իգական սեռի ներկայացուցիչներ էին, հիմնականում վախի հաղթահառումն էր գլխավոր դերում նաև կենդանու հոտի։

Մայրանուշ Համբարձումյանի մոտ նույնպես բավականին լավ ստացվեց, սակայն երկրորդ շաբաթը իր ցանկությունն էր այլ նախասիրություն ընտրելը։

Սոնա Քեհեյանը հաղթահարեց վախն ու հոտից զզվելու հանգամանքը։ Եվ առաջին անգամ նստեց ձի։

Իսկ ահա Հայկուհին բավականին առաջ է շարժվում։

Օր հինգերրորդ՝ հունիս 19

Մանկավարժների նախասիրություների շրջանակը անցած շաբաթվա ընթացքում ավելի մեծ արձագանք ստացավ, սակայն իրական ցանկացողները ավելի քիչ էին։ Սակայն կարևոր հանգամանք է գիտակցելը այս ամենի լրջությունը։

Այս անգամ մարզումներ ունեցա Աչեր Բաստաջյանի հետ։