Առավոտյան ընդհանուր պարապմունք Միջին դպրոցում

Տեղը՝ Մայր դպրոց ( Բաբաջանյան 25), Մարմարյա սրահ
Ժամը՝9.00-9.15

Ժամանակահատված՝ սեպտեմբեր 11 – 15
Պարուսույցներ` Մերի Գարեգինյան, Արմենուհի Սոկրատունի

Կոպալ` Լաերտ Գրիգորյան
Երգ, պարերգ` Լուիզա Քեշիշյան, Աչեր Բաստաջյան, Սյուզի Մարգարյան
Մասնակիցներ՝ կրթահամալիրի Միջին և Ավագ դպրոցների դասավանդողներ, սովորողներ

Համակարգումը` միջին դպրոցի երաժիշտների

Սեպտեմբերի 11

ՄԻԱՍՆԱԿԱՆ ՊԱՐԵՐԳ «ԱՌՆԵՄ ԷԼՆԵՄ»

Սարից կուգա զով քամի,
Յարըս ընձի հով կ’անի:
Առնեմ էլնեմ, առնեմ էլնեմ,
Առնեմ էլնեմ Ալագյազ,
Ուտեմ ձունըդ, խմեմ ջուրըդ,
Պար գամ լանջիդ, իջնիմ ցած: (2 անգամ)

Խնձորը գլորել է,
Ճամփիցը մոլորել է:
Առնեմ էլնեմ, առնեմ էլնեմ,
Առնեմ էլնեմ Ալագյազ,
Ուտեմ ձունըդ, խմեմ ջուրըդ,
Պար գամ լանջիդ, իջնիմ ցած: (2 անգամ)

Արխալուղըդ հագել ես,
Լե լե, լե լե, լե՜ լե,
Կանաչ-կարմիր կապել ես,
Դե քելե, դե ցոլա, ֆիդան յար:
Դե քելե, դե ցոլա, ֆիդան յար:

Աղջի, էդ քո ծամերը,
Լե լե, լե լե, լե՜ լե,
Ընձի վառեց քու սերը,
Դե քելե, դե ցոլա, ֆիդան յար:
Դե քելե, դե ցոլա, ֆիդան յար:

Տըղա, մեր բաղով արի,
Լե լե, լե լե, լե՜ լե,
Ոտքերիդ շաղով արի,
Դե քելե, դե ցոլա, ֆիդան յար:
Դե քելե, դե ցոլա, ֆիդան յար:

Կանչե՛, քու կանչիդ մեռնիմ,
Լե լե, լե լե, լե՜ լե,
Քու անուշ ձենին մեռնիմ,
Դե քելե, դե ցոլա, ֆիդան յար:
Դե քելե, դե ցոլա, ֆիդան յար:

ՄԻԱՍՆԱԿԱՆ ԸՆԹԵՐՑԱՆՈՒԹՅՈՒՆ ՍԱՐՈՅԱՆԱԿԱՆ ԱՍՈՒՅԹՆԵՐ ՆՎԻՐՎԱԾ ՀԵՂԻՆԱԿԻ 115 ԱՄՅԱԿԻՆ

Ես հայերեն չեմ գրում, բայց աշխարհին նայում եմ հայերեն։

Կյանքիդ ժամերն ապրի՛ր այնպես, որ այդ քաղցր ժամերին ոչ քեզ, ոչ էլ կողքիդ ապրողներին չդիպչեն ապականությունն ու մահը:

Տարօրինակ է, բայց հայրենիքդ սկսում ես իսկապես սիրել միայն այն ժամանակ, երբ նա դժվարության մեջ է, մնացած ժամանակ ընդունում ես այն սովորականի պես՝ այնպես, ինչպես ծնողներիդ:

ՄԻԱՍՆԱԿԱՆ ՊԱՐ «ԽԱՄ ԽԱՄԱ»

Սեպտեմբերի 12

ՈՂՋՈՒՅՆԻ ԽՈՍՔ

ՄԻԱՍՆԱԿԱՆ ՊԱՐԵՐԳ «ԽՈՐՈՏ ԷՐ,ԿՈԼՈՏ ԷՐ»

Խորոտ էր, կոլոտ էր,
Յայլի տղեն խորոտ էր,
Խորոտ էր, կոլոտ էր,
Յայլի տղեն խորոտ էր,

Յայլի տղեն խորոտ էր,
Յայլի տղեն խորոտ էր,
Յայլի տղեն խորոտ էր,
Յայլի տղեն խորոտ էր:

Իմ խորոտ, իմ սիրուն,
Հազար էրնեկ քո տիրուն:
Իմ խորոտ, իմ սիրուն,
Հազար էրնեկ քո տիրուն:

Յայլի տղեն խորոտ էր,
Յայլի տղեն խորոտ էր,
Յայլի տղեն խորոտ էր,
Յայլի տղեն խորոտ էր:

Ալամ աշխարհ վկա,
Քեզեն լավը չի ճարվի:
Ալամ աշխարհ վկա,
Քեզեն լավը չի ճարվի:

Յայլի տղեն խորոտ էր,
Յայլի տղեն խորոտ էր,
Յայլի տղեն խորոտ էր,
Յայլի տղեն խորոտ էր:

Յարիս դրի ճամփան,
Ափսո՜ս, չասի իրան բան:
Յարիս դրի ճամփան,
Ափսո՜ս, չասի իրան բան:

Յայլի տղեն խորոտ էր,
Յայլի տղեն խորոտ էր,
Յայլի տղեն խորոտ էր,
Յայլի տղեն խորոտ էր:

Համեղ լանչի ներկայացում ավագ դպրոցի սովորողների կողմից։

ՄԻԱՍՆԱԿԱՆ ԸՆԹԵՐՑԱՆՈՒԹՅՈՒՆ

Ամենուրեք փնտրի՛ր բարին ու հենց հայտնաբերես, հանի՛ր լույս աշխարհ իր թաքստոցից, թո՛ղ բարությունը լինի անկաշկանդ և չամաչի ինքն իրենից:

Ամեն ինչի մեջ գտի՛ր լուսավորը, այն ինչ չի կարող արատավորվել: Եթե մեկնումեկի սրտում առաքինությունը պահ է մտել ահով ու կսկիծով` արար աշխարհի ծաղր ու ծանակից մազապուրծ եղած, քաջալերի՛ր նրան:

ԱՆՀԱՏԱԿԱՆ ԿԱՏԱՐՈՒՄ 7-ՐԴ ԴԱՍ.ՍՈՎՈՐՈՂ ԳԱԲՐԻԵԼԱ ԹԱՆԱՇՅԱՆԻ ԿՈՂՄԻՑ- «Golden Hour»

ՄԻԱՍՆԱԿԱՆ ՊԱՐ «ՇԱՏՐՎԱՆԻ»

Սեպտեմբերի 13

ՄԻԱՍՆԱԿԱՆ ՊԱՐԵՐԳ «ՄԱՐԱԼՈ»

Մարալո, սարերի հովին մեռնեմ,
Մարալո, շեկ տղի բոյին մեռնեմ:
Մարալո, հա՜յ, մարալո, մարալո,
Մարալո, սարի աղջիկ, դարալո:

Մարալո, ծամեր ունես ծիրանի,
Մարալո, քամին տա՝ թել-թել անի:
Մարալո, հա՜յ, մարալո, մարալո,
Մարալո, սարի աղջիկ, դարալո:

Մարալո, սարերի վըրով գնաց,
Մարալո, իմ յարը խռով մնաց:
Մարալո, հա՜յ, մարալո, մարալո,
Մարալո, սարի աղջիկ, դարալո:

Մարալո, ոչ լոր էլավ, ոչ՝ կաքավ,
Մարալո, ձեռնես թռնելով գնաց:
Մարալո, հա՜յ, մարալո, մարալո,
Մարալո, սարի աղջիկ, դարալո:

Մարալո, ծաղիկ ես ծաղկանց միջին,
Մարալո, մի հատ ես աղջկանց միջին:
Մարալո, հա՜յ, մարալո, մարալո,
Մարալո, սարի աղջիկ, դարալո:

Անհատական կատարում Ավետ Սարդարյան շվի Ե.Դոգա-«Վալս»

ՄԻԱՍՆԱԿԱՆ ԸՆԹԵՐՑԱՆՈՒԹՅՈՒՆ

Մի՛ խաբվիր արտաքին տպավորությամբ, որովհետև դա վայել չէ պայծառատես աչք ու բարի սիրտ ունեցողին:

Ոչ մեկին մի՛ ենթարկվիր, բայց և ոչ մեկին էլ քեզ մի՛ ենթարկիր: Հիշի՛ր, որ ամեն մարդ քո նմանակն է: Ամեն մեկի մեղքը նաև քո մեղքն է, և բոլոր անմեղներն իրենց անմեղությունը կիսում են քեզ հետ:

Բաթթլ

Տղա .Արի գնանք, մեր մեծ բաղը
դե հոյ նար, նար, նար, նար,
համ սեր անինք համ էլ խաղը
դե հոյ նար, նար, նար, նար:
Աղջիկ.Դու էլ գիտես թե տղայես
դե հոյ նար, նար, նար, նար,
գոտի կապել դեռ չգիտես
դե հոյ նար, նար, նար, նար:
Տղա.Դու էլ գիտես թե աղջիկ ես
դե հոյ նար, նար, նար, նար,
ասեղ թիլել դեռ չգիտես
դե հոյ նար, նար, նար, նար:
Աղջիկ.Դու էլ գիտես թե տղայես
դե հոյ նար, նար, նար, նար,
խոտ հնձիլը դեռ չգիտես
դե հոյ նար, նար, նար, նար:
Տղա.Դու էլ գիտես թե աղջիկ ես
դե հոյ նար, նար, նար, նար,
գուլպա գործել դեռ չգիտես
դե հոյ նար, նար, նար, նար:
Աղջիկ.Դու էլ գիտես թե տղայես
դե հոյ նար, նար, նար, նար,
փայտ կոտրիլը դեռ չգիտես
դե հոյ նար, նար, նար, նար:
Տղա.Դու էլ գիտես թե աղջիկ ես
դե հոյ նար, նար, նար, նար,
կով կթիլը դեռ չգիտես
դե հոյ նար, նար, նար, նար:
Աղջիկ.Դու էլ գիտես թե տղայես
դե հոյ նար, նար, նար, նար,
կնիկ սիրել էլ չգիտես
դե հոյ նար, նար, նար, նար: (x2)

Միասին.Ես գյուդում վըր լավ աղջիկ ես
ես գյուդում վըր լավ տղա ես
դե հոյ նար, նար, նար, նար,
մինակ հլը շատ պուճուր ես
դե հոյ նար, նար, նար, նար:
Համ պուճուր ես,համ լավիկնես
դե հոյ նար, նար, նար, նար,
վըր մեծանաս իմ յարիկնես
դե հոյ նար, նար, նար, նար:

Ազգային կատակ-երգ ՝ «Տմբլա

ՄԻԱՍՆԱԿԱՆ ՊԱՐ «ՓԱՓՈՒՌԻ»

Սեպտեմբերի 14

ՄԻԱՍՆԱԿԱՆ ՊԱՐԵՐԳ «ՆԻՆԸՄ, ՆԻՆԸՄ»

Նինըմ, նինըմ, նինարե, հո՜յ, աման,
Յարիս բոյը չինար է, թո՜յ, աման:
Նինըմ, նինըմ, նինա-րե, հո՜յ, աման,
Յարիս բոյը չինար է, թո՜յ, աման:

Կանաչ արտը հաց տարա, հո՜յ, աման,
Յարիս տեսա, ետ դառա, թո՜յ, աման:
Նինըմ, նինըմ, նինարե, հո՜յ, աման,
Յարիս բոյը չինար է, թո՜յ, աման:

Նինըմ, նինըմ, նինարե, հո՜յ, աման,
Յարիս բոյը չինար է, թո՜յ, աման:

Դընգի քարը կլոր է, հո՜յ, աման,
Ճամփեն օլոր – մոլոր է, թո՜յ, աման:
Նինըմ, նինըմ, նինարե, հո՜յ, աման,
Յարիս բոյը չինար է, թո՜յ, աման:

Նինըմ, նինըմ, նինարե, հո՜յ, աման,
Յարիս բոյը չինար է, թո՜յ, աման:

Փշատի ծառ էղնեի, հո՜յ, աման,
Արազ, պըռկիդ բուսնեի, թո՜յ, աման:
Նինըմ, նինըմ, նինարե, հո՜յ, աման,
Յարիս բոյը չինար է, թո՜յ, աման:

Նինըմ, նինըմ, նինարե, հո՜յ, աման,
Յարիս բոյը չինար է, թո՜յ, աման:

Ինտելեկտուալ խաղ

Հարց 1

Սոճու վրա 40 նարինջ էր աճել։ Նրանցից 10-ը հասունացավ ու ցած ընկավ։ Քանի՞ նարինջ մնաց սոճու վրա։

Հարց 2

Ո՞ր ամսում շատախոս Անին ավելի քիչ կխոսա։

Հարց 3

Ինչպե՞ս է փիղը ծառ բարձրանում

Հարց 4

Այն ի՞նչն է, որ կարելի է պատրաստել, բայց ուտել չի կարելի։

ՄԻԱՍՆԱԿԱՆ ԸՆԹԵՐՑԱՆՈՒԹՅՈՒՆ

Կյանքիդ ժամերն ապրի՛ր այնպես, որ քեզ բաժին ընկած ժամերին չավելացնես աշխարհի վիշտն ու տառապանքը, այլ ժպիտով ընդունես նրա անսահման լույսն ու խորհուրդը:

Առաջ ինձ թվում էր, որ երբ մարդ մեծանում է, այլեւս չի լացում, պարզվեց, որ այդ ժամանակ էլ սկսում է լացել…