Նախագիծ՝

• Ամանորյա ծես — 2 — 4 տարեկաններ․ Նախագիծ

Վայր՝ Հյուսիսային դպրոց — պարտեզ – Արտասահման

Օր՝ դեկտեմբեր 27

Ժամ՝ 10:00

Մասնակիցներ՝ 2 – 4 տարեկանների խմբեր, դաստիարակներ, ծնողներ, հյուրեր և այլք

Պատասխանատուններ՝

Սոնա Կարապետյան, Լուսինե Հովհաննիսյան, Լիլիթ Ղազարյան, Անուշ Թորոսյան։

Երաժշտության մասնագետ՝ Արմենուհի Սոկրատունի

Տեխնոլոգ՝ Տաթև Աթոյան

Ծրագրում՝

Հ.Թումանյանի Առաջին ձյունը

Վա՜յ, մայրի՛կ ջան, տե՜ս,
Բակն ու դուռը լի
Ինչքա՜ն սպիտակ
Թիթեռ է գալի…

Էսքան շատ թիթեռ
Չեմ տեսել ես դեռ։
― Չէ՛, իմ անուշիկ,
Թիթեռներ չեն էտ.
Թիթեռներն անցան

Ծաղիկների հետ։
Էտ ձյունն է գալի,
Փաթիլն է ձյունի,
Որ կարծես սպիտակ
Թիթեռնիկ լինի։

Երգեր` 

Ծնողական համայնքին ուսուցանում եմ Ամանորյա ավետիսներ՝

• Քրիստոս ծընավ և հայտնեցավ
• Ավետիս

Ամանորյա կատարումներ՝

• ՏՈՆԱԾԱՌ ՋԱՆ
• ԱՅ ՔԵԶ, ԱՅ ՔԵԶ ՏՈՆԱԾԱՌ
• Փաթ֊փաթ փաթիլներ
• Փաթիլ

Պարեր՝

• Թամզարա
• Բուլուլ

Տեքստեր՝

ՓԱԹ, ՓԱԹ, ՓԱԹԻԼՆԵՐ

Ամպը բացեց դուռը մեծ,
Փաթիլները թափվեցին,
Երգով, պարով, ծիծաղով
Ճյուղերին նստոտեցին:

Կրկներգ
Փաթ, փաթ, փաթիլներ,
Երգող, պարող փաթիլներ:

Քամին եկավ պարելով,
Փաթիլին խուտուտ տվեց,
«Հա, հա, հա, հա» երգելով՝
Փաթիլներին թռցրեց:

Կրկներգ
Փաթ, փաթ, փաթիլներ,
Երգող, պարող փաթիլներ:

Իրար վրա շարվեցին,
Մի մեծ բլուր կազմեցին,
Քամին սուլեց, պտտվեց,
«Փաթիլներով պար» բռնեց:

Կրկներգ
Փաթ, փաթ, փաթիլներ,
Երգող, պարող փաթիլներ:

ՏՈՆԱԾԱՌ ՋԱՆ

Տոնածառ ջան, տոնածառ
Ի՜նչ սիրուն ես ու պայծառ,
Էս ի՜նչ լավն է, էս ի՜նչ լավն է,
Չորս կողմը լույս ու փայլ է:

Կարմիր աստղ գագաթին,
Ծառի տակ՝ Ձմեռ պապին,
Էս ի՜նչ լավն է, էս ի՜նչ լավն է,
Չորս կողմը լույս ու փայլ է:

ԱՅ ՔԵԶ, ԱՅ ՔԵԶ ՏՈՆԱԾԱՌ

Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:

Քաղցր չամիչ, համեղ նուշ,
Տանձ ու խնձոր քաղցրանուշ,
Չրեր մրգեր, դեղձ ու նուռ ,
Ու մի կոկոս անչափ լուռ:

Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:

Գաթա ու տորթ ենք բերել,
Փայլուն խաղող ենք շարել,
Երգեր հազար, հազար միրգ,
Քեզ ականջօղ ենք արել:

Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:
Մրգով, գաթով, շատ համեղ,
Տանածառ ես, թե սկուտեղ:

Փաթիլ

Փաթիլ,փաթիլ ձյունե փաթիլ, ճերմակ փաթիլ, դանդաղ իջիր ցած:
Փաթիլ,փաթիլ ձյունե փաթիլ, ճերմակ փաթիլ դանդաղ իջիր ցած:

Իջիր մազերիս, իջիր քիթիկիս,
Իջիր թուշիկիս, իջիր ձեռքերիս:

Քրիստոս ծընավ և հայտնեցավ

Քրիստոս ծընավ և հայտնեցավ։(3×)

Այսօր տոն է սուրբ Ծննդյան,ավետիս
Տյառըն մերո և հայտնության,ավետիս։
Այսօր արևն արդարության,ավետիս
Երևեցավ ի մեջ մարդկանց,ավետիս։
Այսօր սուրբ Կույսն անապական,ավետիս
Ծնավ եբեր զանմահ Արքայն,ավետիս։

Քրիստոս ծընավ, Քրիստոս ծընավ և հայտնեցավ,
Քրիստոս ծընավ, Քրիստոս ծընավ և հայտնեցավ,
Նմա փառք հավիտյանս ամեն։

Ավետիս

Այսօր տոն է սուրբ ծընընդյան,ավետիս,
Ձեր սընդուկներ լեցվին հացով,ավետիս,
Ձեր ոչխարներ գային ջոկով,ավետիս,
Ձեր կարասնին լեցվին գինով,ավետիս,
Ձեր քոցոնին գային ջոկով,ավետիս,
Ձեր խորոզնին կանչեն ձենով,ավետիս,
Ձեր ճուկն ու թաս երթան ու գան,ավետիս,
Ծառ խընկենի,արմավենի,ավետիս,
Ձեր մանչերուն Աստված օրհնե,ավետիս:

Հանելուկով կանչում ենք  Ձմեռ պապիկին

Ալևոր եմ սպիտակ
Բերում եմ ձյուն ու սահնակ
Կարմիր ներկում քիթ , երես
Ասեք տեսնեմ` ո՞վ եմ ես….Ձմեռ պապին

Ձմեռ պապիկի մուտքը դահլիճ, նվերների հանձնում։ Հյուրասիրություն խմբում, համտեսում ենք պասուց տոլմա, տարեգաթա, հալվա, փոխինդ։