Վայր՝ Հյուսիսային դպրոց – պարտեզ
Ժամանակահատված` Նյոեմբերի 20 – դեկտեմբերի 29
Մասնակիցներ` Հյուսիսային դպրոց – պարտեզի 2 – 4 տարեկանների սովորողներ

Նպատակ`

• Ազգային տոնի փոխանցում, իրականացում
• Ընտանիքի ընդգրկում ուսումնական ընթացքի մեջ

Խնդիրներ`

• Ուսումնական նյութի յուրացում
• Ամանորի ծեսի կայացում
• Հեքիաթի ու հավատի փոխանցում

Ընթացքը

• տարբեր աղբյուրներից ուսումնասիրում են Ամանորի ծեսի պատմությունը,
• Սովորում են Ամանորի բարեմաղթանքներ,
• համակարգում են հիմնական գործողությունները,
• սովորում են Ամանորյա ազգային ծիսական երգեր։

Արդյունքները

մասնակիցները կիմանան

• ազգային ծեսեր
• ազգային սովորույթներ
• ազգային ավանդական պարեր
• հայկական ժողովրդական, ծիսական երգեր, խաղերգեր
• ժողովրդական, ծիսական խաղերը

կկարողանան

• երգել հայկական ժողովրդական և ծիսական երգեր,
• համացանցից, այլ աղբյուրներից ծեսին վերաբերվող նյութեր գտնել,
• ծեսին նոր կյանք տալ

կլինեն

• ծեսը իմացող ակտիվ մասնակից, փոխանցող, տարածող:

Արդյունք

Նկարել, տեսագրել, գրի առնել աշխատանքի ընթացքը, ներկայացնել Հյուսիսային դպրոց – պարտեզի ենթակայքում, կրթահամալիրի կայքում՝ ֆիլմի, ֆոտոպատումի, նկարագրության տեսքով:

Ծրագիր`

• ՓԱԹ, ՓԱԹ, ՓԱԹԻԼՆԵՐ
• ՏՈՆԱԾԱՌ ՋԱՆ
• ԱՅ ՔԵԶ, ԱՅ ՔԵԶ ՏՈՆԱԾԱՌ
• Փաթիլ

Ծնողական համայնքի հետ ուսուցանվող նյութեր։

• Քրիստոս ծընավ և հայտնեցավ
• Ավետիս

Պարեր՝

• Թամզարա
• Բուլուլ

Տեքստեր՝

ՓԱԹ, ՓԱԹ, ՓԱԹԻԼՆԵՐ

Ամպը բացեց դուռը մեծ,
Փաթիլները թափվեցին,
Երգով, պարով, ծիծաղով
Ճյուղերին նստոտեցին:

Կրկներգ
Փաթ, փաթ, փաթիլներ,
Երգող, պարող փաթիլներ:

Քամին եկավ պարելով,
Փաթիլին խուտուտ տվեց,
«Հա, հա, հա, հա» երգելով՝
Փաթիլներին թռցրեց:

Կրկներգ
Փաթ, փաթ, փաթիլներ,
Երգող, պարող փաթիլներ:

Իրար վրա շարվեցին,
Մի մեծ բլուր կազմեցին,
Քամին սուլեց, պտտվեց,
«Փաթիլներով պար» բռնեց:

Կրկներգ
Փաթ, փաթ, փաթիլներ,
Երգող, պարող փաթիլներ:

ՏՈՆԱԾԱՌ ՋԱՆ

Տոնածառ ջան, տոնածառ
Ի՜նչ սիրուն ես ու պայծառ,
Էս ի՜նչ լավն է, էս ի՜նչ լավն է,
Չորս կողմը լույս ու փայլ է:

Կարմիր աստղ գագաթին,
Ծառի տակ՝ Ձմեռ պապին,
Էս ի՜նչ լավն է, էս ի՜նչ լավն է,
Չորս կողմը լույս ու փայլ է:

ԱՅ ՔԵԶ, ԱՅ ՔԵԶ ՏՈՆԱԾԱՌ

Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:

Քաղցր չամիչ, համեղ նուշ,
Տանձ ու խնձոր քաղցրանուշ,
Չրեր մրգեր, դեղձ ու նուռ ,
Ու մի կոկոս անչափ լուռ:

Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:

Գաթա ու տորթ ենք բերել,
Փայլուն խաղող ենք շարել,
Երգեր հազար, հազար միրգ,
Քեզ ականջօղ ենք արել:

Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:
Մրգով, գաթով, շատ համեղ,
Տանածառ ես, թե սկուտեղ:

Փաթիլ

Փաթիլ,փաթիլ ձյունե փաթիլ, ճերմակ փաթիլ, դանդաղ իջիր ցած:
Փաթիլ,փաթիլ ձյունե փաթիլ, ճերմակ փաթիլ դանդաղ իջիր ցած:

Իջիր մազերիս, իջիր քիթիկիս,
Իջիր թուշիկիս, իջիր ձեռքերիս:

Քրիստոս ծընավ և հայտնեցավ

Քրիստոս ծընավ և հայտնեցավ։(3×)

Այսօր տոն է սուրբ Ծննդյան,ավետիս
Տյառըն մերո և հայտնության,ավետիս։
Այսօր արևն արդարության,ավետիս
Երևեցավ ի մեջ մարդկանց,ավետիս։
Այսօր սուրբ Կույսն անապական,ավետիս
Ծնավ եբեր զանմահ Արքայն,ավետիս։

Քրիստոս ծընավ, Քրիստոս ծընավ և հայտնեցավ,
Քրիստոս ծընավ, Քրիստոս ծընավ և հայտնեցավ,
Նմա փառք հավիտյանս ամեն։

Ավետիս

Այսօր տոն է սուրբ ծընընդյան,ավետիս,
Ձեր սընդուկներ լեցվին հացով,ավետիս,
Ձեր ոչխարներ գային ջոկով,ավետիս,
Ձեր կարասնին լեցվին գինով,ավետիս,
Ձեր քոցոնին գային ջոկով,ավետիս,
Ձեր խորոզնին կանչեն ձենով,ավետիս,
Ձեր ճուկն ու թաս երթան ու գան,ավետիս,
Ծառ խընկենի,արմավենի,ավետիս,
Ձեր մանչերուն Աստված օրհնե,ավետիս: