Առավոտյան ընդհանուր պարապմունք. Հյուսիս՝ փետրվար

Հյուսիսային դպրոց — պարտեզ՝ Գեղարվեստ
Ժամ՝ 09:00 — 09:15
Վայր՝ Արտասահման
Ժամանակահատված՝ փետրվար
Տարիքային խումբ՝ կրտսեր դպրոցականներ
Մասնակիցներ՝ Հյուսիսային դպրոցի սովորողներ, ծնողներ, հյուրեր, այլք

Նախագծեր՝

Ծրագիր`

Մարմնամարզություն

Միասնական ընթերցումներ`

Կռունկներ
Քամին
Ամպն ու սարը
Լուսաբացին
Ծաղիկները
Մարտ
Կանաչ ախպեր
Արագիլ
Առաջին ձյունը
Թռչունի մտածմունքը
Աշուն
Տերևաթափ

Երգեր միասնական կատարման համար`

Կաքավի գովքը
Ախ ինչ լավ է
Աղվեսն եկավ
Կոտ ու կես
Բարի լույսի
Էշ Պատվական (Էշու դնչիկ)
Գացեք տեսեք
Պուռմատիկին
Մաքրուհի ջան մաքրուհի
Ճլորթու երգ
Դմբլիգին բաբուքը

Պարեր՝

Փափուռի
Թամզարա
Էջմիածին
Լորկե
Կարնո քոչարի

Ծիսական խաղեր

լախտախաղը կամ ջղլախտի
ճլորթի կամ ճոճախաղ
գնդակախաղ կամ շարիկախաղ
Ալելու,թալելու
փայտե ձի
գոմշակռիվ
աքլորակռիվ
ուղտ խաղացնել
Զորի
Էրգյան Հովհաննես

Միասնական ընթերցումներ

Կռունկներ

Կը՜ռ կը՛ռ, կըռկըռան.
Կռունկները հա՛ թռան.
Կռունկների թևի տակ
Եկավ գարուն մեր դռան։

ՔԱՄԻՆ

— Ո՜ւ-ո՜ւ-ո՜ւ…
Քամին է, քամին,
Տես անզգամին.
Բերան չունի՝ փըչում է,
Թևեր չունի՝ թռչում է,
Ձեռքեր չունի՝ քաշում է,
Իմ փոքրիկին քըշում է։

Կորի՛, դու քամի,
Անպիտան քամի։
Մի վախի, ջանիկ,
Փեշըս պինդ բռնի,
Ես թող չեմ անի,
Քամին քեզ տանի։

ԱՄՊՆ ՈՒ ՍԱՐԸ

Ամպը եկավ նստեց սարին,
Նստեց սարի սուր կատարին։
— Լըսի՛, պապի՛, ասավ նրան,
Լավ օրերըդ անցան, կորան.
Խիստ սոսկալի
Ցուրտ է գալի։
             Ասավ, գնաց։
             Սարը կամաց
             Մտավ սիպտակ
Վերմակի տակ։

ԼՈՒՍԱԲԱՑԻՆ
(Ժողովրդական)

— Ծուղրուղո՜ւ.
Աքլորը զիլ կանչեց թառին.
— Ճի՛կ-ճի՛կ, ճի՛կ-ճի՛կ,
Զարթնեց մթնում ծիտը ծառին։

Ծուղրուղո՜ւ.
Խոսեց ծեգին երկրորդ բերան.
— Հո-հո՜, հո-հո՜,
Նախիրն արդեն հանդը տարան։

— Ծուղրուղո՜ւ.
Լույսը բացվեց երրորդ կանչին.
— Վո՛ւյ-վո՛ւյ-վո՛ւյ-վո՛ւյ,
Նստեց նանը տեղի միջին։

ԾԱՂԻԿՆԵՐԸ

― Ո՞ւր գնացին ծաղիկները…
― Սո՜ւս. քնած են հողի տակ,
Տաք ծածկված ողջ ձմեռը
Ձյուն-ծածկոցով սպիտակ։

Կգա գարնան արևն էլ ետ
Իր շողերով կենդանի,
Ձմռան սաստիկ ցրտերի հետ
Ձյուն-ծածկոցը կըտանի։

«Ելե՛ք, կասի, իմ մանուկնե՛ր»,
Ու հենց նրանք իմանան,
Դուրս կըհանեն գլխիկները,
Աչիկները կըբանան։

ՄԱՐՏ

Ա՜խ, է՜սպես էլ գիժ ամիս.
Մարդու հանգիստ չի տալիս։
Էսօր ուրախ օր կանի,
Վաղը անձրև ու քամի.
Առավոտը պայծառ օդ,
Կեսօրը մութ ու ամպոտ։
Մին հագնում է սպիտակ,
Մին կանաչին է տալիս.
Մի օր ցուրտ է, մի օր տաք,
Մին խնդում է, մին լալիս…
Ա՛խ, է՜սպես էլ գիժ ամիս։

ԿԱՆԱՆՉ ԱԽՊԵՐ

Է՜յ կանանչ ախպեր,
Է՜յ ճանանչ ախպեր,
Արի՜, քեզ հետ բե՛ր
Արևի շողեր.
5Բեր անուշահոտ
Ծիլ, ծաղիկ ու խոտ,
Կարկաչուն վըտակ,
Երկինք կապուտակ,
Խատուտիկ հավքեր,
10Զրընգան երգեր,
Գառների մայուն,
Խաղ, ուրախություն․
Է՜յ կանանչ ախպեր,
Է՜յ ճանանչ ախպեր։

ԱՐԱԳԻԼ
(ժողովրդական)

Արագի՛լ, բարով եկար,
Հա՜յ, արագի՛լ, բարով եկար.
Դու մեզ գարնան նշան բերիր,
Մեր սրտերը ուրախ արիր։

5Արագի՛լ, երբ գընացիր,
Դու մեզանից երբ գընացիր,
Հա՜ փըչեցին բուք ու բորան,
Ծաղիկները ամեն տարան։

Արագի՛լ, բարով եկար,
10Հա՜յ, արագի՛լ, բարով եկար.
Բունըդ շինիր էն հին ծառին
Մեզ մոտ մնա ամբողջ տարին։

ԱՌԱՋԻՆ ՁՅՈՒՆԸ

― Վա՜յ, մայրի՛կ ջան, տե՜ս,
Բակն ու դուռը լի
Ինչքա՜ն սպիտակ
Թիթեռ է գալի…
Էսքան շատ թիթեռ
Չեմ տեսել ես դեռ։
― Չէ՛, իմ անուշիկ,
Թիթեռներ չեն էտ.
Թիթեռներն անցան
Ծաղիկների հետ։
Էտ ձյունն է գալի,
Փաթիլն է ձյունի,
Որ կարծես սպիտակ
Թիթեռնիկ լինի։

ԹՌՉՈՒՆԻ ՄՏԱԾՄՈՒՆՔԸ

Ես ապրում էի մի փոքրիկ տան մեջ
              Առատ ու անփույթ,
Աշխարհքն ինձ համար կըլոր էր անվերջ,
              Կեղևը կապույտ։

Նըրանից հետո աչքըս բաց արի
              Մի փոքրիկ բընում,
Տեսա՝ աշխարհքը հարդից է շինած,
              Ու մայրս է շինում։

Մի օր էլ, բընից գըլուխս հանած,
Նայում եմ դես-դեն,
Տեսնեմ՝ աշխարհքը տերևից շինած,
              Մեր բունը վըրեն։

Հիմի թըռչում եմ հեռո՜ւ, շատ հեռո՜ւ,
              Ամեն տեղ գընում,
Բայց թե աշխարհքը ինչի՞ց է շինած—
              Էլ չեմ հասկանում։

ԱՇՈՒՆ

Դեղնած դաշտերին
Իջել է աշուն,
Անտառը կրկին
Ներկել է նախշուն։
5Պաղ-պաղ մեգի հետ
Փչում է քամին,
Քշում է տանում
Տերևը դեղին։
Տխուր հանդերից ,
10Մարդ ու անասուն
Քաշվում են կամաց
Իրենց տունն ու բուն։

ՏԵՐԵՎԱԹԱՓ

Ա՜յ փոքրիկներ, ա՜յ սիրուններ,―
Ասավ քամին տերևներին,―
Աշուն եկավ, մոտ է ձմեռ,
Ի՞նչ եք դողում ծառի ծերին։
Ոսկի, դեղին, վառ ծիրանի
Գույներ հագեք խայտաբղետ
Ու ճյուղերից ձեր մայրենի
Եկե՛ք ինձ հետ, փախե՛ք ինձ հետ…
Եկե՛ք տանեմ հեշտ ու անթև,
Անհետ ճամփով, անհայտ տեղեր,
Չեք իմանա այսուհետև
Էլ ինչ է դող, ինչ է ձմեռ…

Տերևները հենց լսեցին,
Նախշուն, նախշուն գույներ հագան,
Սըվսըվալով տխուր երգեր՝
Քամու թևին թռան, փախան։

Հովհաննես Թումանյան. Մանկական բանաստեղծություններ

Երգերի տեքստեր՝

ԿԱՔԱՎԻ ԳՈՎՔԸ

Խոսք՝ Հովհաննես Թումանյանի

Արև բացվեց թուխ ամպերեն,
Կաքավ թռավ կանաչ սարեն,
Կանաչ սարեն` սարի ծերեն,
Բարև բերավ ծաղիկներեն:

Սիրունի՛կ, սիրունի՛կ,
Սիրունի՛կ, նախշո՛ւն կաքավիկ:

Քո բուն հյուսած ծաղիկներով,
Շուշան, նարգիզ, նունուֆարով:
Քո տեղ լցված ցող ու շաղով,
Քնես-կելնես երգ ու տաղով:

Քո թև փափուկ ու խատուտիկ,
Պստի կտուց, կարմիր տոտիկ,
Կարմիր-կարմիր տոտիկներով
Կշորորաս ճուտիկներով:

Երբ կկանգնես մամռոտ քարին,
Տաղեր կասես ծաղիկներին,
Սարեր, ձորեր զվարթ կանես,
Դարդի ծովեն սիրտ կհանես:

Կոտ ու կես

Կոտ ու կես կորեկ ունեմ ցանելու համար,
Ճնճղուկներ թռան եկա ուտելու համար,
Կռացա քար վեր առա զարկելու համար,

Այ ճնճղուկիկ,
Կարմիր տոտիկ,
Սպիտակ փորիկ,
Ուտեն կուտիկ,
Խմեն ջրիկ,
Առվի եզրիկ,
Պստիկ-մստիկ,
Փախչեն երթան ման գալու համար:

Թռան գացին բերդի տանիս գանգտելու համար
Ղասաբներ ժողվան, էկան դեղմաշկի համար
Երեցներ ժողվան, էկան օրհնելու համար։

Աղվես էկավ

Աղվես էկավ լանջիկ-մանջիկ,
Ոտներ վազան, կարճիկ-կարճիկ:
Վա՜յ, իմ չալիկ, չալմալալիկ,
Խոր-խորոտիկ, չալմատոտիկ,
Տմբլաճակատ, տռճիկ-մռճիկ,
Փափլիկ ճտեր, վո՜ւյ, վո՜ւյ,
Ձի կերցուցի անուշ կուտիկ, վո՜ւյ, վո՜ւյ:
Աղվես գնաց մըտավ ջաղաց,Թաթեր վերուց, մի բոլ խաղաց:
Վա՜յ, իմ չալիկ, չալմալալիկ,
Խոր-խորոտիկ, չալմատոտիկ,
Տմբլաճակատ, տռճիկ-մռճիկ,
Փափլիկ ճտեր, վո՜ւյ, վո՜ւյ,
Ձի կերցուցի անուշ կուտիկ, վո՜ւյ, վո՜ւյ:

Թաթեր վերուց, մի բոլ խաղաց:
Վա՜յ, իմ չալիկ, չալմալալիկ,
Խոր-խորոտիկ, չալմատոտիկ,
Տմբլաճակատ, տռճիկ-մռճիկ,
Փափլիկ ճտեր, վո՜ւյ, վո՜ւյ,
Ձի կերցուցի անուշ կուտիկ, վո՜ւյ, վո՜ւյ:

Բարի լույսի

Բարի լույսի զանգեր զարկին,
Զնգզնգալեն անուշ-անուշ,
Լույսը բացվեց մեր աշխարհքին:
Ճըղճըղալեն անուշ,անուշ:

Առուն հովտեն փախուստ կտա
Գըլգըլալեն անուշ, անուշ
Բարակ հովը կըշնկշընկա
Զըլզըլալեն անուշ, անուշ:

Երամ կապած կըռունկնն եկավ
Կըռկըռալեն անուշ, անուշ,
Տաղ կըկարդա քարեն լաքավ
Կըղկըղալեն անուշ, անուշ:

Ա՜խ, ի՜նչ լավ են

Ա՜խ, ի՜նչ լավ են սարի վըրա
Անցնում օրերն, անո՜ւշ, անո՜ւշ,
Անըրջային, թեթևասահ
Ամպ ու հովերն անո՜ւշ, անո՜ւշ։

Ահա բացվեց թարմ առավոտ
Վարդ է թափում սարին-քարին,
Շաղ են շողում ծաղիկ ու խոտ,
Շընչում բուրմունք եդեմային։

Ա՜խ, ի՜նչ հեշտ են սարի վըրա
Սահում ժամերն անո՜ւշ, անո՜ւշ,
Շըվին փըչեց հովիվն ահա―
Աղջիկն ու սերն անո՜ւշ, անո՜ւշ:

Գնացեք տեսեք

1-ին երգ
Գացեք տեսեք ի՞նչն ա կերել թուփը։
Գացին տեսան էծն ա կերել թուփը։
Էծ վըր թըփին,
Թուփ վըր իգուն,
Իգ Վարագա,
Տակն ա կուգա,
Վըրես կուգա,
Հալալ է՝ ջալալ է։
Էս ինչ բարի տարի էր էկավ,
Գո վեր մե, հա՜յ, գո վեր մե։
Ու՜՜՜
Գացեք տեսեք ի՞նչն ա կերել էծը։
Գացին տեսան գելն ա կերել էծը։
Գել վըր էծին,
Էծ վըր թըփին,
Թուփ վըր իգուն,
Իգ Վարագա,
Տակն ա կուգա,
Վըրես կուգա,
Հալալ է՝ ջալալ է։
Էս ինչ բարի տարի էր էկավ,
Գո վեր մե, հա՜յ, գո վեր մե։
Ու՜՜՜՜
Գացեք տեսեք ի՞նչն ա կերել գելը։
Գացին տեսան արջն ա կերել գելը։
Արջ վըր գելին,
Գել վըր էծին,
Էծ վըր թըփին,
Թուփ վըր իգուն,
Իգ Վարագա,
Տակն ա կուգա,
Վըրես կուգա,
Հալալ է՝ ջալալ է։
Էս ինչ բարի տարի էր էկավ,
Գո վեր մե, հա՜յ, գո վեր մե։
Ու՜՜՜

2-րդ երգ (արագ)
Գացեք տեսեք ի՞նչն ա կերել արջը։
Գացին տեսան թուրն ա կերել արջը։
Թուրն ու արջը,
Արջն ու գելը,
Գելն ու էծը,
էծն ու թուփը,
Ձեզ՝ Բարեկենդան,
Մեզ՝ բարի Զատիկ։ } 2X

Գացեք տեսեք ի՞նչն ա կերել թուրը։
Գացին տեսան ժանգն ա կերել թուրը։
Ժանգն ու թուրը,
Թուրն ու արջը,
Արջն ու գելը,
Գելն ու էծը,
էծն ու թուփը,
Ձեզ՝ Բարեկենդան,
Մեզ՝ բարի Զատիկ։ } 2X

Գացեք տեսեք ի՞նչն ա կերել ժանգը։
Գացին տեսան յուղն ա կերել ժանգը։
Յուղն ու ժանգը,
Ժանգն ու թուրը,
Թուրն ու արջը,
Արջն ու գելը,
Գելն ու էծը,
էծն ու թուփը,
Ձեզ՝ Բարեկենդան,
Մեզ՝ բարի Զատիկ։ } 2X

(ավելի արագ)
Գացեք տեսեք ի՞նչն ա կերել յուղը։
Գացին տեսան մուկն ա կերել յուղը։
Մուկն ու յուղը,
Յուղն ու ժանգը,
Ժանգն ու թուրը,
Թուրն ու արջը,
Արջն ու գելը,
Գելն ու էծը,
էծն ու թուփը,
Ձեզ՝ Բարեկենդան,
Մեզ՝ բարի Զատիկ։ } 2X

(շատ արագ)
Գացեք տեսեք ի՞նչն ա կերել մուկը։
Գացին տեսան օձն ա կերել մուկը։
Օձն ու մուկը,
Մուկն ու յուղը,
Յուղն ու ժանգը,
Ժանգն ու թուրը,
Թուրն ու արջը,
Արջն ու գելը,
Գելն ու էծը,
էծն ու թուփը,
Ձեզ՝ Բարեկենդան,
Մեզ՝ բարի Զատիկ։ } 2X

Էշ Պատվական(Էշու դնչիկ)

Իշու դընչիկ, էրկու փընջիկ,
Հոշ,՛ տրա-նի նա նա-նա:
Մին վարդենիկ, մին սըմբուլիկ,
Չո՛շ, տրա-նի նա նա-նա:
Իշու դընչիկ, էրկու փընջիկ,
Հոշ,՛ տրա-նի նա նա-նա:
Մին վարդենիկ, մին սըմբուլիկ,
Չո՛շ, տրա-նի նա նա-նա:

Զ՛էշ քաշեցին ի հրապարակ,
Հոշ,՛ տրա-նի նա նա-նա:
Ժողովեցան շուրջ բոլորակ,
Չո՛շ, տրա-նի նա նա-նա:
Ժողովեցան շուրջ բոլորակ,
Հոշ,՛ տրա-նի նա նա-նա:
Էտու նմա ճոխ կարկանդակ,
Չո՛շ, տրա-նի նա նա-նա:

Ժողովեցան շուրջ բոլորակ,
Հոշ,՛ տրա-նի նա նա-նա:
Էտու նմա ճոխ կարկանդակ,
Չո՛շ, տրա-նի նա նա-նա:
Էտու նմա ճոխ կարկանդակ,
Հոշ,՛ տրա-նի նա նա-նա:
Մեծարեցին արքայանա՜կ,
Չո՛շ, տրա-նի նա նա-նա:

Զ՛էշ քաշեցին թոնրո բերան,
Զ՛գլուխ Է՛դին, խաշ ու կերան:
Զ՛գլուխ Է՛դին, խաշ ու կերան:
Զ՛ոտ արարին սուն ու գերան,
Զ՛ոտ արարին սուն ու գերան,
Զ՛կաշին թմբուկ, դափ-դըրընգան:
Զ՛կաշին թմբուկ, դափ-դըրընգան:
Հոշ,՛ տրա-նի նա նա-նա:

Զ՛էշ քաշեցին թոնրո բերան,
Զ՛գլուխ Է՛դին, խաշ ու կերան:
Զ՛ոտ արարին սուն ու գերան,
Զ՛կաշին թմբուկ, դափ-դըրընգան:
Զթմբկի հարցեք, պար բռնիցեք,
Պար բռնիցեք, զ՛թմբկի հարցեք:

Դմբլիգին բաբուքը

Այսօր ձեզի վո՞վ էգավ.
Դմբլիգին բաբուքը.
Խումբ-Այսօր ձեզի վո՞վ էգավ.
Դմբլիգին բաբուքը.
Դըմբլ-դըմբլ չալեցին,
Դմբլիգին խաղծուցին։
Խումբ-Դըմբլ-դըմբլ չալեցին,
Դմբլիգին խաղծուցին։

Հացն ու գինին, բաստուրման.
Հավի միսն ալ հազըրգյան.
Խումբ-Հացն ու գինին, բաստուրման.
Հավի միսն ալ հազըրգյան.
Դըմբլ-դըմբլ չալեցին,
Դմբլիգին խաղծուցին։
Դմբլ-դմբլ չալեցին.
Դմբլիգին խաղծուցին։

Հարսի անունը սև Խոլոզ,
Փեսին անունը՝Նիգողոս:
Խումբ՝ Հարսի անունը սև Խոլոզ,
Փեսին անունը՝Նիգողոս:
Դըմբլ-դըմբլ չալեցին,
Դմբլիգին խաղծուցին։
Դըմբլ-դըմբլ չալեցին,
Դմբլիգին խաղծուցին։

Առին դարին սուրբ Թորոս,
Փսագողն էլ դեր Բողոս։
Խումբ՝ Առին դարին սուրբ Թորոս,
Փսագողն էլ դեր Բողոս։
Դմբլ-դմբլ չալեցին.
Վերջն ալ մինագ ճամփեցին.
Խումբ-Դմբլ-դմբլ չալեցին.
Վերջն ալ մինագ ճամփեցին։

Պուռմատիկն(տարբերակ 1)

Պուռմատիկինն էկեր է — ույ, ույ, ույ աղամ,
Շարե շապիկ հագեր է — ույ աղամ։ } 2×
Կարմիր գդակ դրեր է — ույ, ույ, ույ աղամ,
Քթան, լաչակ կապեր է — ույ աղամ։
Պուռմատիկինն էկեր է — ույ, ույ, ույ աղամ,
Փետկին ետև կայներ է — ույ աղամ։
Կարմիր կովուն եղ կուզե — ույ, ույ, ույ աղամ,
Ճերմակ ծուկուն ջուր կուզե — ույ աղամ։
Պուռմատիկինն էկեր է — ույ, ույ, ույ աղամ,
Սև հավուն հավկիթ կուզե — ույ աղամ։
Պուռմատիկինն էկեր է — ույ, ույ, ույ աղամ,
Փեթկին միջուն պըլղուր կուզե — ույ աղամ։

Պուռմա տիկին(Մուսալեռ),(տարբերակ 2)

Պուռմա տիկին էկերէ,ույ,ույ,ույ աղամ
Շալե շապիկ հագերէ ույ աղամ։}2×

Կարմիր գդակ դրեր է…
Կրտան լաչակ կապեր է…

Կարմիր կով ու եղ կուզե…
Սև հավ ու հավկիթ կուզե…

Մեծ պրկե պըլղուր կուզե…
Պստիկ պրկե պըլղուր կուզե…

Հայդե Աննա ու Մաքրո…
Պարեր դնենք մեր պիջին…

Ջուր լեցուր ղուրբան Մաքրո…
Էրթանք ջրեն Ուրմաին ույ աղամ։

Ճլորթու երգ

Քյուֆը, քյուֆ, դարա, դարա,
Ես էլա բերդի բարա.
Իմ ախպեր վեր էն բերդին,
Ոսկի թուր վեր էն թևին,
Կերթա խաղա դեմ լուսնակին,
Լուսնակ տըփեց մեջ երեսին։

Թու էնա պուճախ,թու էնա պուճախ,
Մեր քավորանց մեղրի պուճախ,
Շեն կենա իմ հոր օջախ։

Քյուֆը, քյուֆ, դարա, դարա,
Ես ելա տանսի բարա
Կանչեցի` Տե՜ր Զաքարա,
Խունկ ու մոմ խազըր արա,
Իրիկուն խըթում արա,
Առավոտուն պաշտում արա։

Թու, էնա պուճախ, թու էնա պուճախ,
Մեր քյավորանց մեղրի պուճախ։}2×

Մաքրուհի ջան մաքրուհի

Քյարվան էկավ զընգզընգյալեն, Մաքրուհի ջան,Մաքրուհի,
Մեչ քյարվնին ճյորի մը կեր, Մաքրուհի ջան, Մաքրուհի,
նյորու քյամակ սնդյուկմ կեր, Մաքրուհի ջան, Մաքրուհի,
Մեչ սնդուկի բոխչեմ կեր, Մաքրուհի ջան, Մաքրուհի,
Մեչ էն բոխչին շուշփեմ կեր, Մաքրուհի ջան, Մաքրուհի,
Մեչ էն շուշփին հայլի մը կեր, Մաքրուհի ջան,Մաքրուհի,
Մեչ հայլկին ախչիկմ կեր, Մաքրուհի ջան, Մաքրուհի,
Աչքն ու ընքյվեր խրեղեն էր, Մաքրուհի ջան, Մաքրուհի,
Մխչիկ, ախչիկ, անունտ ինչ ի, Մաքրուհի ջան, Մաքրուհի,
Ախչիկ,ախչիկ, սերըտ տուր ծիկ, Մաքրուհի ջան, Մաքրուհի:

Թթու մախոխ

Բարով էգար, թթու մախոխ,
Ի՞նչ լուր բերիր հայրենիքես:
Մէնձ Պասն էկավ, կայնավ թատին,
Աշկըս մընաց հալվա կաթին:

Մէնձ Պասն էգավ դուռմիշ էղավ,
Փօրիս փարգալ փոզմիշ էղավ։
Պառվըները, պառվըները,
Ջուրը լըցվավ առվըները:

Ծանոթագրություն

Թատին-Ոտքի ծայրին:
Դուռմիշ-Նստեց, փռվեց:
Փոզմիշ-Փարդա, վարագույր, այլաբանորեն’ աղիներն այչևս չեն դիմանում: