Ծրագիր՝  «Երաժշտության ընտրությամբ գործունեությունը 1 – 3-րդ դասարաններում»

Նպատակ

• սովորողների երաժշտական կրթում
• նրանց մոտ երաժշտական մշակույթի ձևավորում

Խնդիրները

• երաժշտական լսողության, ունակությունների զարգացում
• ինտոնացիոն մաքուր երգեցողություն
• երաժշտական գրագիտություն
• երաժշտարվեստի  զարգացում (երգչախումբ և հարվածային պարզագույն գործիքների նվագախումբ)
• ստեղծագործական երևակայության զարգացում (փոքր մեղեդիների, ռիթմիկ պատկերների ստեղծում)
• գեղագիտական ճաշակի ձևավորում
• երաժշտություն ունկնդրելու կուլտուրայի ձևավորում

Գործունեության ձևերը

Երգեցողություն (անհատական, խմբային՝ երգչախումբ)

• ինտոնացիոն մաքուր երգեցողության մշակում
• երաժշտական ունակությունների՝ լսողության զարգացում
• երգի կատարողական գրագիտության և կուլտուրայի մշակում
• երգի կերպարային զգացողություն
• ճիշտ շնչառություն
• ձայնի դրվածք
• երաժշտական հիշողություն

Ունկնդրում

Ունկնդրվող նյութերը ենթադրում են.
 – երաժշտական, գեղագիտական ճաշակի ձևավորում
 – ազգային, հոգևոր և համաշխարհային դասական լավագույն ստեղծագործությունների  իմացում լսողության միջոցով

Նվագակցություն «բնական», հարվածային և շրխկան նվագարաններով

«Բնական», հարվածային և շրխկան նվագարաններով նվագակցում են

• կատարվող երգը
• ունկնդրվող նյութը

Ուսումնական միջավայր

Երաժշտության ընտրության դասընթացը կազմակերպվում է առարկայի առանձնահատկություններին համապատասխանող, պահանջները բավարարող ուսումնական միջավայրում`

• երաժշտության դասասենյակ (տարածք),
• գրադարան

Ուսումնական կաբինետը (տարածքը), որտեղ իրականացվում է երաժշտության ընտրության դասընթացը, պետք է հագեցած լինի հետևյալ միջոցներով.

• ուժեղացուցիչ , որը պետք է ապահովի մաքուր և համապատասխան ուժգնության հնչողություն,
• դաշնամուր, պետք է լինի լարված, աշխատունակ (անթույլատրելի է լարվածքից ընկած, որոշ ստեղների անաշխատունակ վիճակը):

4. Շրխկան, հարվածային, երաժշտական նվագարաններ.

ա. նվագակցություն (ուսուցանված երգին,  ունկնդրվող նյութին, բառախաղին),
բ.  նվագարանով աշխատելու ունակություն և հմտության ձեռք բերում:

Դասընթացը յուրացնելուց հետո սովորողը կարող է

• երգել մաքուր ինտոնացիայով
• կատարել բազմաձայն ռիթմիկ վարժություններ
• կատարել խմբերգեր՝ ուղեկցելով շրխկան, հարվածային նվագարանների ռիթմիկ նվագակցությամբ
• կարողանա բեմականացնել՝ բովանդակությունից բխող, կերպարային, շարժումներով
• երաժշտական ստեղծագործություններն ինքնուրույն նվագակցել «բնական», հարվածային և շրխկան նվագարաններով՝ ստեղծելով տարբեր ռիթմիկ պատկերներ
• լսողությամբ իմանալ ունկնդրվող ստեղծագործությունը, հեղինակին
• ստեղծել փոքրիկ մեղեդիներ
• լինել ուշադիր ունկնդիր