Վայր` Ուսումնական Ագարակ

Ժամանակահատված` Ձմեռային ազգագրության փառատոն, հունվարյան ճամբար

Մասնակիցներ՝ դպրոցների ջոկատներ, ջոկատավարներ

Պատասխանատուներ՝ Արմենուհի Սոկրատունի, Սուսաննա Չալիկյան, Մարիաննա Գևորգյան

Այցելության օրեր և ժամեր` երկուշաբթի, ուրբաթ 09:00 – 13:35

Ընդմիջում՝ 12:35 – 12:55

Նպատակ`

• Կենդանաթերապիա
• Կենդանավարժեցում

Նկարագրություն՝

Կենդանաթերապիան և շփումը նրանց հետ կարող է օգնել սթրեսային իրավիճակների հաղթահարմանը, այն կարող է բարձրացնել երեխաների տրամադրությունը, թուլացնել և հանգստացնել նյարդային համակարգը, ինչպես նաև կարող է առաջացնել ընկերասիրության, էմպաթիայի զգացում (ապրումակցում, կարեկցանք): Շփվելով կենդանիների հետ` երեխաները չեն էլ նկատում, որ դա վերականգնողական գործընթացի մի մասն է կազմում: Այս թերապիան երեխաներին տալիս է դրական էներգիա, որը գալիս է հենց կենդանիներից, այն էլ ապահովում է երեխաների մոտ դրական հուզական ֆոնը: Երեխաները, գալով Ուսումնական ագարակ, ոչ միայն շփվում են նրանց հետ, այլ նաև խնամում են, ցուցաբերում հետաքրքրություն, սկսում են կենտրոնացնել ուշադրությունը, համակարգել գործողությունները հետագա աշխատանքների համար, հասկանալ կենդանու և արդեն յուրաքանչյուրը իր ցեղատեսակի՝ բնավորությունը։ Ըստ այդմ էլ սկսվում է նրանց վարժեցումը։

Խնդիրներ`

• Սովորողներին ծանոթացնել ագարակի բնակիչների հետ
• Համագործակցություն և շփում կենդանիների հետ
• Խնամք և հոգատարության փոխանցում

Յուրաքանչյուր մասնակից պիտի ներկայանա՝

• Հարմարավետ հագուստով՝ ցանկալի է սպորտային
• Ունենա իր հետ թույլատրելի սնունդ վարժեցնելուց հետո, որպես խրախուսանք կենդանուն տալու համար

Ընթացք՝

• Ներկայացվում են մասնավորոպես ձիերը և շները (ցեղատեսակներ՝ Հասկի և Գերմանական հովվաշուն)
• Ներկայացվում են կենդանիների բնավորությունը, կառուցվածքը, սննդաբանությունը՝ ինչը կարելի է կերակրել, ինչը ոչ
• Կատարվում է յուրաքանչյուր կենդանու առանձին խնամք
• Նրանց կեցության տարածքի խնամք
• Փողանցվում են ձիավարժության և ձիավարության հմտություններ
• Շների հետ շփման և նրանց վարժեցման հմտություններ
• Կենդանիների վարժեցման համար նախատեսված և օգտագործման նյութերի և գործիքների տերմիների յուրացում
• Կենդանիների կերակրում

Արդյունքները՝

մասնակիցները կիմանան

• Կենդանիները ունեն թերապֆտիկ հատկություն
• Յուրաքանչյուրի դերն ու նշանակությունը
• Հասարակության մեջ կլինեն պահանջատեր, կենդանիների հետ մարդկանց վերաբերմունքի ճիշտ կազմակերպման համար

Կկարողանան՝

• Կկարողանան յուրացնելուց հետո փոխանցել իրենց գիտելիքները
• Հաղթահարել վախերը
• Ճիշտ վարվեցողություն դրսևորել ձիերի և շների որոշ ցեղատեսակների հետ

Կլինեն՝

• Իմացող, տարածող և փոխանցող
• Ակտիվ մասնակից կազմակերպվող նմանատիպ գործունեության

Հասկիների և գերմանակն հովվաշների մասին նյութեր՝

• Սիբիրյան հասկի ձագուկի խնամքը
• Սիբիրյան Հասկի
• Գերմանական Հովվաշուն