Այսօրվա ճամփորդությունը նվիրված էր Հարություն Թոփիկյանի վառ հիշատակին։

ՆաԽ առավոտյան մեր երգարշավի առաջին կանգառը եղավ Ապարանի Սբ.Խաչ եկեղեցին,որտեղ կատարեցինք մի քանի ստեղծագործություններ,հանդիպում և քննարկում ունեցանք Տեր Մուշեի և Տեր Սարգիսի հետ։

Որից հետո մեր երգարշավը շարունակվեց դեպի Հառիճավանք,որտեղ մեզ սպասում էր հրաշք համալիրը։

Թոփիկյանի անունը կրող ուսուցչական երգչախումբը Հառիճավանքի հրաշք պատերի ներսում կատարեց ստեղծագործություններ`հոգևոր և աշխարհիկ,որոնք ինքն էր մի ժամանակ սովորեցրել,փոխանցել։

Ահա այսօր այդ չտեսնված վանական համալիրի պատերից ներս,դպրաց դասի հետ միասին կատարեցինք մի քանի ստեղծագործություններ։

Նաև ներկա էին Ազատան համայնքի կիրակնօրյա դպրոցի ուսուցիչները և սաները։

Եկեղեցու բակում հնչեցին նաև ավանդական պարերգեր,կոպալի ուղեկցությամբ։