Մանկավարժական ճամբար Արատեսում
Հոկտեմբերի 8-ին Երևանից շարժվեցինք Դեպի Եղեգնաձոր – Արատես ՝ Երևան – Արտաշատ – Երասխ – Գետափ – Շատին – Արտաբույնք – Եղեգիս – Հերմոն – Արատես երթուղով: Արտաբույնքում կանգ առանք ու ոտքով բարձրացանք Սմբատաբերդ: Իջանք Եղեգիս՝ շարունակելով ճանապարհը դեպի Արատես:
Արատեսում երեկոյան վառարանի շուրջ ծանոթացանք միմյանց հետ՝ երգով, ուրախ պատմություններով, բարձր տրամադրությամբ:
Հաջորդ օրը առավոտից աշխուժություն էր տիրում՝ բերքահավաք էր: Նախ ծանոթացանք Արատեսի տեղանքին, մեղուներին, ապա սկսեցինք հավաքել հասած խնձորները: Բեքահավաքին հաջորդեց քայլարշավը, որի ընթացքում որոշեցի Թեհմինեի հետ բարձրանալ դիմացի սարը: Քանի որ սարը անանուն էր, որոշեցինք սարին անվանել «Հոգի ազատության»: Ի՜նչ տեսարան վերևից՝ աննկարագրելի գեղեցկություն, չքնաղ բնություն:
Երեկոյան խարույկի շուրջ երգեցինք ու պարեցինք մեր և Արևմտյան դպրոցի ճամբարական խմբերով՝ հա՛մ ուսուցանեցինք, հա՛մ կատարեցինք:
Pingback: Հոկտեմբեր ամսվա հաշվետվություն։ | Արմենուհի Սոկրատունի