Օր՝ հոկտեմբերի 16
Վայր՝ Մայր դպրոց
Ժամ՝ 15.15
Հասցե՝ Բաբաջանյան 25
Պատասխանատու՝ Հյուսիսային դպրոց
Մասնակիցներ՝ 4 – 5 – 6 – րդ դասարանների սովորողներ, դասավանդողներ, ծնողներ, այլք
Բովանդակություն՝ հանրակրթական երգչախմբերով, պարախմբերով գովք մեր սիրելի քաղաքին` Երևանին. երգեր, խմբերգեր, պարերգեր, պարեր, ընթերցումներ
Խմբավարներ՝ Վիկտորյա Պետրոսյան, Արմենուհի Սոկրատունի
Պարուսույց` Արմենուհի Սոկրատունի
Նվագակցողներ՝ Լիլիթ Առաքելյան, Լիլիթ Վերմիշյան (դաշնամուր)
Լուսաբանումը՝ Ռոզա Մելիքյան
Տեխնիկական սպասարկումը` Էմիլ Զաքարյանի և սովորողների
Ծրագիր`
- Միասնական կատարում. «Անդաստան», խոսք Դ. Վարուժան, երժ. Մ. Խորենացի, մշ. Ա. Շահնազարյան, նվագակցությունը՝ Լիլիթ Առաքելյանի
Հյուսիսային կողմն աշխարհի
Առատություն թող ըլլա…
Ոսկի ծովուն մեջ ցորյանին
Հավետ լողա թող գերանդին.
Ու լայն ամբարն աղուններուն երբ բացվի՝
Բերկրությո՜ւն թող ըլլա:
Միասնական ընթերցում՝
ՀԱՅԱՍՏԱՆ – Հովհաննես Գրիգորյան
Սա իմ երկիրն է – չափերով այնպիսին –
որ կարող եմ վերցնել հետս, թե մի հեռու տեղ գնամ:
Փոքրիկ՝ ինչպես ծերացած մայր,
Փոքրիկ՝ ինչպես նորածին զավակ,
իսկ քարտեզի վրա ընդամենը արցունքի մի կաթիլ…
Սա իմ երկիրն է – չափերով այնպիսին,
որ ազատորեն տեղավորել եմ սրտիս մեջ,
որ չկորցնեմ հանկարծ…
«ԷՐԵԲՈՒՆԻ-ԵՐԵՎԱՆ» , խոսք` Պ. Սևակ, երժ. Է. Հովհաննիսյան
Երևան դարձած իմ Էրեբունի,
Դու մեր նոր Դվին, մեր նոր Անի:
Մեր փոքրիկ հողի դու մեծ երազանք,
Մեր դարե կարոտ, մեր քարե նազանք:
Երևան դարձա՜ծ իմ Էրեբունի,
Դարեր ես անցել, բայց մնացել ես պատանի:
Քո Մասիս հորով, քո Արաքս մորով,
Մեծանաս դարով, Երևա՜ն:
Կյանքում ամեն սեր լինում է տարբեր,
Իսկ մենք բոլորս էլ քեզնով արբել:
Տաք է սերը մեր շեկ քարերիդ պես,
Հին է սերը մեր ձիգ դարերիդ պես:
Երևան դարձա՜ծ իմ Էրեբունի…
ՀՈՎՀԱՆՆԵՍ ԹՈՒՄԱՆՅԱՆ – ՄԵՐ ՈՒԽՏԸ
Մենք ուխտ ունենք՝ միշտ դեպի լույս,
Ու գընում ենք մեր ճամփով,
Մըրրիկներով պատած անհույս,
Սև խավարով, մութ ամպով։
Մենք անցել ենք արյան ծովեր,
Սուր ենք տեսել ու կըրակ,
Մեր ճակատը դեմ ենք արել
Մըրրիկներին հակառակ։
Ու թեպետև պատառ-պատառ
Մեր դըրոշը սըրբազան,
Ու մենք չունենք տեղ ու դադար՝
Երկրից երկիր ցիրուցան։
Բայց գընում ենք մենք անվեհեր
Զարկերի տակ չար բախտի,
Մեր աչքերը միշտ դեպի վեր՝
Դեպի լույսը մեր ուխտի։
«Երևանը մենք ենք» – Ֆորշ
Քարին արև նվիրենք ու մի քիչ էլ սեր,
Մեր քաղաքը կստացվի` Երևանը մեր:
Բարի դեմքով ծերունի իմ փոքրիկ քաղաք,
Հարազատ ամեն փողոց ու ամեն մի բակ:
Ես ու դու ունենք այսօր մի նոր ճանապարհ
Քեզ համար, քեզնով ու միշտ
Քեզ հետ իմ Երևան, քեզ հետ ենք, Երևան:
Երևանը տուն ու շենք չէ, Երևանը մենք ենք,
Երևանն անկեղծ սիրելը չգրված օրենք է:
Երևանը տուն ու շենք չէ, Երևանը մենք ենք,
Երևանն անկեղծ սիրելը չգրված օրենք է
Մայր ասելով քաղաքի մոր պես գուրգուրենք,
Մեր ժպիտն ու ջերմ խոսքերը, սերը նվիրենք:
Ամեն քաղաք աշխարհում զարկող սիրտ ունի,
Երևան, սրտից բացի դու ունես հոգի:
Ես ու դու ունենք այսօր մի նոր ճանապարհ
Քեզ համար, քեզնով ու միշտ
Քեզ հետ ենք, Երևան, քեզ հետ իմ Երևան:
Երևանը տուն ու շենք չէ, Երևանը մենք ենք,
Երևանն անկեղծ սիրելը չգրված օրնեք է:
Երևանը տուն ու շենք չէ, Երևանը մենք ենք,
Երևանն անկեղծ սիրելը չգրված օրենք է:
Ես ու դու ունենք այսօր մի նոր ճանապարհ
Քեզ համար, քեզնով ու միշտ
Քեզ հետ իմ Երևան, քեզ հետ իմ Երևան:
Երևանը տուն ու շենք չէ, Երևանը մենք ենք,
Երևանն անկեղծ սիրելը չգրված օրնեք է:
Երևանը տուն ու շենք չէ, Երևանը մենք ենք,
Երևանն անկեղծ սիրելը չգրված օրենք է:
Երևանը տուն ու շենք չէ, Երևանը մենք ենք,
Երևանն անկեղծ սիրելը չգրված օրենք է:
Երևանը մենք ենք, Երևանը մենք ենք…
«ԵՐԵՎԱՆՅԱՆ ԲԱԿ» – Արամ Խաչատրյան – «Գարուն Երևան»
Եղիշե Չարենց – Հայրենիքում
Ձյունապատ լեռներ ու կապույտ լճեր։
Երկինքներ, որպես երազներ հոգու։
Երկինքներ, որպես մանկական աչեր։
Մենակ էի ես։ Ինձ հետ էիր դու։
Երբ լսում էի մրմունջը լճի
Ու նայում էի թափանցիկ հեռուն –
Զարթնում էր իմ մեջ քո սուրբ անուրջի
Կարոտն այն հին, աստղայի՜ն, անհո՜ւն։
Կանչում էր, կանչում ձյունոտ լեռներում
Մեկը կարոտի իրիկնամուտին։
Իսկ գիշերն իջնում, ծածկում էր հեռուն
Խառնելով հոգիս աստղային մութին։
Հեյ ջան Երևան
Խոսք` Հովհաննես Ղուկասյանի
Երաժշտություն` Արտեմի Այվազյանի
- Երևանում տոն է թող բոլորը գան
Օդը հրաշալի է, ջուրն անմահական
Նա մի բուրաստան է վեհ ու ձյունաթափ
Մեր Մասիսների սուրբ վառ հայացքի տակ:
Հե՜յ, ջան, Երևան, մեր մայր օրորան,
Հե՜յ, ջան, հե՜յ, ջան, դու իմ Երևան:
- Չի ապրել կյանքում ով գեթ իր երազում,
Չի տեսել աստղերն ու մեր ծաղկունքը ծով,
Իսկ մեր աղջիկները սերն է իմ վկա
Ով նրանց տեսնում է էլ հանգիստ չկա:
Դասավանդողների պար – «Հին Երևան նազանի կանայք» – Ապարանի գյովնդ
Երաժշտական գործունեության ընտրության խմբերի միասնական կատարում`
Այստեղ եմ ծնվել
Խոսք: Վլադիմիր Հարությունյան
Երաժշտություն: Առնո Բաբաջանյան
Այստեղ եմ ծնվել ես, այստեղ մեծացել,
Այս ջուրը խմել սառնորակ,
Հազար ճանապարհ ես դու իմ դեմ բացել,
Իմ լա՜վ, հարազա՜տ իմ քաղաք։
Քարդ քարիդ եմ շարել,
Քեզ հետ հասակ եմ առել,
Իմ Երևա՛ն, քո ամեն շենքի հետ
Ես իմ կյանքն եմ կապել առհավետ։
Կրկնակ.
Քեզ միշտ սիրել եմ, իմ վարդագույն ընկեր,
Քեզնով ապրել եմ, քեզ միշտ երգել,
Դու անխավար լույսի տուն, Երևա՛ն,
Ամեն հայի հույսի տուն, Երևա՛ն։
Սիրում եմ գարունդ փարթամ ու լուսեղ,
Աշունդ՝ ոսկե մի երազ,
Նորքիդ բարդիները նազուկ ու վսեմ,
Զանգվիդ կոհակները փիրուզ։
Քեզ հետ կիսել եմ ես միշտ
Թե՛ խնդություն և թե՛ վիշտ,
Իմ Երևա՛ն,
Քո կանաչ սրտի հետ
Ես իմ սիրտն եմ կապել առհավետ։
Քեզ միշտ սիրել եմ, իմ վարդագույն ընկեր,
Քեզնով ապրել եմ, քեզ միշտ երգել,
Դու անխավար լույսի տուն, Երևա՛ն,
Ամեն հայի հույսի տուն, Երևա՛ն։
Դասավանդողների միասնական կատարում`
Երևան – խոսք և երժշ. Ռոբերտ Ամիրխանյան
Ինձ համար դու շող գարուն ու մայր,
Քո սրտում ես վառ քնար,
Դու ծաղկում ես, որ ես հար շողամ
Ու փարվեմ քեզ վարդերով,
Վարդագույն Երևան,
Մեր քարե մագաղաթ ու մատյան,
Քո գրկում ես կապրեմ հավիտյան,
Մեր հոգու քնար,
Մեր հողի գոհար:
Քեզ փարվեմ վարդերով, Երևան,
Համբուրեմ սուրբ քարերդ անձայն,
Դու քարե մագաղաթ ու մատյան,
Մեր հոգու քնար: (2անգամ)
Քո արևը շեկ խաղող ու նուռ
Ու քարերդ երգ անուշ:
Դու մատուռ ես հին ու նոր կամար,
Ես ապրում եմ քեզ համար, քեզ համար, Երևան:
Ինձ գրկիր մայրաբար, Երևան,
Մեր քարե մագաղաթ ու մատյան,
Դու հայոց փառքի նոր քաղաքամայր:
Թող փարվեմ արևոտ լանջերիդ,
Ու երգիդ, սառնորակ ջրերիդ,
Թող լինեմ քեզ համար վառ գարնան
Երգը քո դառնամ: (2անգամ)
Միասնական պար` Կոմիտասի շորոր
Հովհաննես Գրիգորյան – ՀԱՅՐԵՆԻ ՀՈՂ (հատված)
Ես այս երգը երգում եմ կանգնած,
որովհետև դու նա ես,
ում խաղաղության համար զոհվում են առանց կասկածելու,
որովհետև դու նա ես.
ում համար կռվի են ելնում առանց հրամանի,
որին ասում են` միակ, կարոտում են հեռվից,
և կարոտից արտասվում են օտար սրճարաններում
և չգիտես թե ուր լողացող նավերի վրա։
Նոր Հայաստան
Դու Արարատ կանչող երկիր`
Մեր հույսերով օծված,
Մեր հին Կիլիկիա,
Մեր նոր Արմենիա,
Լույս է իջել հողիդ:
Կրկներգ.
Անունդ թող օրհնյալ լինի,
Հուշերդ թող անցյալ լինեն,
Եվ թող որ միշտ Աստված պահի
Երկիրը մեր:
Ամեն…
Դու Վարդանանց երկիր մեր սուրբ,
Հուր ու սրով անցար,
Մեր հին Կիլիկիա,
Մեր նոր Արմենիա,
Լույս է իջել հողիդ:
Կրկներգ.
Անունդ թող օրհնյալ լինի,
Հուշերդ թող անցյալ լինեն,
Եվ թող որ միշտ Աստված պահի
Երկիրը մեր:
Ամեն…
Միասնական պար` Փափուռի