Վայր՝ Հյուսիսային դպրոց-պարտեզ
Ժամանակահատված՝ ուսումնական տարի
Մասնակիցներ՝ «Մխիթար Սեբաստացի» կրթահամալիր՝ Հյուսիսային դպրոց – պարտեզի սովորողներ
Տարիքային խմբեր` 2 – 6 տարեկաններ

Նպատակ`

• Ազգային մշակույթի ճանաչում կոմիտասյան երգերով,
• ազգային մշակույթի յուրացում ազգային խաղերգերով

Արդյունքները՝

• Սովորողը մանկուց կծանոթանա Մեծն Կոմիտասին
• Նրա գրառած երգերի միջոցով կմոտենա իր արմատներին, մշակույթին
• Մասնակիցները կիմանան ազգային երգեր
• Կկարողանան երգել հայկական ազգագրական երգեր՝ նոր կյանք կտան։

Հետևություն՝

• Ի՞նչ տվեց այս աշխատանքը մասնակցին,
• ի՞նչ նորություն կարողացավ ներմուծել երգերը կատարելիս,
• կցանկանա՞ նորից կատարել և նոր կյանք տալ:`

Արդյունք`

• Նկարել, տեսագրել, գրի առնել աշխատանքի ընթացքը,
• ներկայացնել Հյուսիսային դպրոցի ենթակայքում, կրթահամալիրի կայքում՝ ֆիլմի, ֆոտոպատումի, նկարագրության տեսքով:

Ծրագրում՝

2 – 4 տարեկանների խմբեր՝

Երգեր՝

• « Արևների  շարք»
• Հինգ էծ
• Փայտե ձիուկ
• Զմփիկ զմփիկ
• Պզան մեղուն
• Կաքավիկ

5 – 6 տարեկանների խմբեր՝

Երգեր՝

• Նուրի, նուրի
• Զմփիկ, զմփիկ
• Կոմիտաս՝ Արև արև, եկ, եկ,
• Ա. Շահնազարյան՝ Արև, արև դուրս արի
• Կոմիտաս՝ Փայտե Ձիուկ
• Պզան մեղուն – Աթաբեկ Խնկոյան
• Կաքավիկ

Պարեր՝

• Թամզարա
• Կարնո քոչարի
• Բուլուլ

Երգերի տեքստեր՝

Նուրին, Նուրին

Նուրին, Նուրին էկել է,
Շալե շապիկ հագել է,
Կարմիր գոտիկ կապել է,
Երկնքեն թոն գուզե,
Գետնեն էլ ծիլ գուզե:

Նուրին, Նուրին էկել է,
Շալե շապիկ հագել է,
Կարմիր գոտիկ կապել է,
Երկնքեն թոն գուզե,
Գետնեն էլ բերք գուզե։

ԶԸՊԻԿ ԶԸՊԻԿ ԶԱՐԻՆԱ

Զըպիկ,զըպիկ Զարին ա
Իգդա շուշան դարին ա:

Շուշան գընաց աղցանի,
Աղցան չըկար՝ չորցել էր:
Անձրև չեկավ էս տարին,
Չորցավ ցորեն ու գարին:

Զըպիկ,զըպիկ Զարին ա
Իգդա շուշան դարին ա:

Գոռգոռոցն ընկավ վերև,
Լըվաց կանաչ ու տերև,
Անձրև էկավ, գոլ էրավ,
Ցորեն արտը բոլ էրավ.

Զըպիկ,զըպիկ Զարին ա
Իգդա շուշան դարին ա:

Թելիկ-մելիկ ման էկա,
Քեզի հանդերում գըտա,
Մերիկըս թըխեց գաթա,
Ինձի չի տա, քեզ կըտա:

Զըպիկ,զըպիկ Զարին ա
Իգդա շուշան դարին ա:

Արև, արև, դո՛ւս արի

Արև, արև, դո՛ւս արի,
Հերն ու մերդ էկել են,
Թուր ու թվանք բերել են,
Գոմշի ոտին տվել են,

Թե դուս կգաս՝ քե՜զ կտամ,
Թե դուս չես գա՝ շան ու գիլի փա՜յ կանեմ:

Արև արև

Արև-արև եկ, եկ,
Զիզի քարին վեր եկ,
Սև-սև ամպեր հեռացեք,
Արևին ճամփա բացեք:

Թողեք նա գա մեզ մոտ՝
Նրա լույսին ենք կարոտ.
Կարմիր արև եկ, եկ,
Զիզի քարին վեր եկ:

Արևն հաղթեց ամպերին,
Շողքը գցեց սարերին,
Զիզի քարը տես-տես
Պսպղում է ոսկու պես:

Սիրուն արև եկ, եկ,
Զիզի քարին վեր եկ։

Հինգ էծ ունեմ

Հինգ էծ ունեմ ուլերով, իլիլի, դիլիլի,
Կաթ կկթեմ դույլերով, իլիլի, դիլիլի։
Սեր կչափեմ կալ չափով, իլիլի, դիլիլի,
Յուղ կհանեմ լվի տըկով, իլիլի, դիլիլի։

Փայտե ձիուկ

Տրո՛փ, տրո՛փ, տրո՛փ,
Վազե՛, ձիո՛ւկ, հո՛պ,
Քարեն վեր,
Դարեն վեր,
Սիրուն ձիուկ,
Դեպի լեռ.
Տրո՛փ, տրո՛փ, տրո՛փ,
Հո՛պ, հո՛պ, հո՛պ:
Տրո՛փ, տրո՛փ, տրո՛փ,
Հո՛պ, հո՛պ, հո՛պ:

Թա՛փ, թա՛փ, թա՛փ,
Գետեն անցիր ափ,
Մի՛ վազեր,
Մի՛ կոտրեր,
Կարմիր ձիուկ,
Իմ ոտներ.
Թա՛փ, թա՛փ, թա՛փ,
Ա՛փ, ա՛փ, ա՛փ:
Թա՛փ, թա՛փ, թա՛փ,
Ա՛փ, ա՛փ, ա՛փ:

Պռո՛ւ, պռո՛ւ, պռո՛ւ,
Այժմ կեցիր դու,
Ու արի,
Կեր գարի,
Գիրո՛ւկ ձիուկ
Քաջարի.
Պռո՛ւ, պռո՛ւ, պռո՛ւ,
Դո՛ւ, դո՛ւ, դո՛ւ:
Պռո՛ւ, պռո՛ւ, պռո՛ւ,
Դո՛ւ, դո՛ւ, դո՛ւ:

Մեղուն

Պզան, պզան, պզպզան,
Պստիկ մեղու տզտզան,
Դաշտ ու հովիտ կշրջես,
Բարձր սարեր կթռչես,
Սուսան, սմբուլ կծծես
Ու ոտքերով թավամազ
Փոշի առած՝ տուն կգաս։

Կաքավիկ

Արև բացվեց թուխ ամպերեն,
Կաքավ թըռավ կանաչ սարեն,
Կանաչ սարեն` սարի ծերեն,
Բարև բերավ ծաղիկներեն:

Սիրունի՜կ, սիրունի՜կ,
Սիրունիկ, նախշուն կաքավիկ:

Քո բուն հյուսած ծաղիկներով,
Շուշան, նարգիզ, նունուֆարով,
Քո տեղ լըցված ցող ու շաղով,
Քընես-կելնես երգ ու տաղով:

Սիրունի՜կ, սիրունի՜կ,
Սիրունիկ, նախշուն կաքավիկ:

Քո թև փափուկ ու խատուտիկ,
Պըստի կըտուց, կարմիր տոտիկ,
Կարմիր-կարմիր տոտիկներով,
Կը շորորաս ճուտիկներով:

Սիրունի՜կ, սիրունի՜կ,
Սիրունիկ, նախշուն կաքավիկ:

Երբ կըկանգնես մամռոտ քարին,
Տաղեր կասես ծաղիկներին,
Սարեր, ձորեր զըվարթ կանես,
Դարդի ծովեն սիրտ կհանես:

Սիրունի՜կ, սիրունի՜կ,
Սիրունիկ, նախշուն կաքավիկ: